قالا جوسپارى.
الماتىدا قوسىمشا الەۋمەتتىك نىساندار مەن ادامدار كوپ جينالاتىن ورىنداردا 3050 سىرتقى باقىلاۋ كامەراسىن قوسۋ جوسپارلانۋدا، دەپ حابارلادى Almaty-akshamy.kz.
الماتىلىقتار مەن قالا تۇرعىندارىنىڭ قاۋىپسىزدىگىن قامتاماسىز ەتۋ ماقساتىندا جاسالىپ جاتقان جوسپارلار جايىندا قالا اكىمى ەربولات دوسايەۆ ايتتى. مۇنداي مالىمدەمەنى ول مەملەكەت باسشىسىنىڭ الماتىنى قالپىنا كەلتىرۋ جانە ودان ءارى دامىتۋ جونىندەگى تاپسىرماسىن ورىنداۋ ماقساتىندا 2022 جىلعا ارنالعان جەرگىلىكتى بيۋدجەتتى ناقتىلاۋ بويىنشا قالا ءماسليحاتىنىڭ XVI سەسسياسى بارىسىندا جاساعان بولاتىن.
«مەملەكەت باسشىسىنىڭ تاپسىرماسى بويىنشا قاۋىپسىزدىكتى قامتاماسىز ەتۋ ماقساتىندا قالانىڭ قۇقىق قورعاۋ ورگاندارى مەن ازاماتتىق قورعانىسىنىڭ ماتەريالدىق-تەحنيكالىق بازاسى قالپىنا كەلتىرىلىپ قانا قويماي، نىعايتىلاتىن بولادى. قوسىمشا الەۋمەتتىك نىساندار مەن ادامدار كوپ جينالاتىن ورىنداردا 3050 سىرتقى باقىلاۋ كامەراسىن قوسۋ جوسپارلانۋدا»،– دەدى قالا اكىمى.