ءاليحان سمايىلوۆ تۇركيانىڭ ۆيسە-پرەزيدەنتىمەن كەلىسسوز جۇرگىزدى

سوڭعى 15 جىلدا تۇركيا ەل ەكونوميكاسىنا $3،5 ملرد ينۆەستيسيا سالدى.

پرەمەر-مينيستر ءاليحان سمايىلوۆ تۇركيا رەسپۋبليكاسىنىڭ ۆيسە-پرەزيدەنتى فۋات وكتايمەن كەلىسسوز جۇرگىزدى، دەپ حابارلايدى Almaty-akshamy.kz Elorda.info-عا سىلتەمە جاساپ.

فۋات وكتايمەن كەزدەسۋ بارىسىندا ءاليحان سمايىلوۆ تۇركيا قازاقستاننىڭ سەنىمدى ەكونوميكالىق ءارى ينۆەستيسيالىق ارىپتەسى ەكەنىن اتاپ ءوتتى

2021 جىلدىڭ قورىتىندىسى بويىنشا، ەكى ەل اراسىنداعى تاۋار اينالىمى 33%-عا ارتىپ، $4،1 ملرد قۇرادى.

وتىرىس اياسىندا ەكونوميكالىق ىنتىماقتاستىق بويىنشا جان-جاقتى كەلىسسوزدەر جۇرگىزىلدى. قازاقستان تاراپىنان يندۋستريا جانە ينفراقۇرىلىمدىق دامۋ ءمينيسترى، ساۋدا جانە ينتەگراسيا، ۇلتتىق ەكونوميكا، دەنساۋلىق ساقتاۋ ۆيسە-مينيسترلەرى جانە باسقالارى قاتىستى. تۇرىك تاراپىنان يندۋستريا جانە تەحنولوگيا، ساۋدا، كولىك جانە ينفراقۇرىلىم، دەنساۋلىق ساقتاۋ ۆيسە-مينيسترلەرى قاتىستى.

سوڭىندا ۇاك وتىرىسىنىڭ قورىتىندى حاتتاماسىنا قول قويىلىپ، بىرلەسكەن جوسپار قابىلداندى. رەسمي دەلەگاسيا مۇشەلەرى ءوزارا ساۋدا-ەكونوميكالىق ىنتىماقتاستىقتىڭ وزەكتى ماسەلەلەرىن تالقىلاۋ ءۇشىن ەكىجاقتى كەزدەسۋلەر وتكىزدى.