Almaty-akshamy.kz سايتىندا بۇگىن جارىق كورگەن جاڭالىقتارعا شولۋ – كۇن كەرۋەنى
مەملەكەت باسشىسى قاۋىپسىزدىك كەڭەسىنىڭ وتىرىسىن وتكىزدى
جيىن بارىسىندا ۇلتتىق قاۋىپسىزدىك ستراتەگياسىن جۇزەگە اسىرۋعا باعىتتالعان نەگىزگى ادىس-تاسىلدەردى جانداندىرۋ ماسەلەلەرى قاراستىرىلدى. مەملەكەت باسشىسى الەمدە قالىپتاسقان كۇردەلى گەوساياسي احۋال جاعدايىندا تالقىلانىپ وتىرعان پروبلەماتيكا قازاقستاننىڭ ەكونوميكالىق جانە اسكەري الەۋەتىن نىعايتۋ تۇرعىسىنان زور مانگە يە ەكەنىن اتاپ ءوتتى.
قاۋىپسىزدىك كەڭەسى وتىرىسىنىڭ قورىتىندىسى بويىنشا ۇلتتىق مۇددەنى قورعاۋ جانە ۇلتتىق قاۋىپسىزدىككە تونەتىن قاتەرلەردى باسقارۋ جۇيەسىنىڭ تيىمدىلىگىن ارتتىرۋعا باعىتتالعان ءبىرقاتار شەشىم قابىلداندى.
ستامبۋلعا كونسەرتكە باراسىز با؟
ول ءۇشىن نە ىستەۋ كەرەك؟ ديماشتىڭ 24 مامىردا ستامبۋلدا وتەتىن جەكە كونسەرتىنە ەكى بيلەت الۋ ءۇشىن ءانشىنىڭ الماتىدا تۇسىرىلگەن جاڭا كليپىنە پىكىر جازىپ، جەڭىمپاز اتانۋ قاجەت! ول وقىرمان 10 كۇن بويى جوعارى ساتىدا تۇرسا، ديماشتىڭ 24 مامىردا ىستانبۇلدا وتەتىن جەكە كونسەرتىنە ەكى بيلەت بەرىلەدى. ونىڭ ىشىنە قوناق ۇيدە تۇرۋ جانە ۇشۋ اقىسى دا كىرەدى.
4 بالاعا – 59 183 تەڭگە؟
كوپبالالى وتباسىلارعا مەملەكەتتەن قانداي كومەك بەرىلەدى؟ 2024 جىلدىڭ قاڭتار ايىندا 571،6 مىڭ كوپبالالى وتباسىنا جالپى سوماسى 38،1 ملرد تەڭگە مولشەرىندە مەملەكەتتىك جاردەماقى تولەنگەن. بۇل مەملەكەتتىك جاردەماقىعا 4 جانە ودان دا كوپ بىرگە تۇراتىن كامەلەتكە تولماعان نەمەسە 23 جاسقا دەيىنگى كۇندىزگى بولىمدە وقيتىن ستۋدەنت بالالارى بار وتباسىلار تابىسىنا قاراماستان ۇمىتكەر بولا الادى. بيىلدان باستاپ بالالى وتباسىلارعا تاعايىندالاتىن مەملەكەتتىك جاردەماقىلاردىڭ مولشەرى 7%-عا ارتتى.
بجزق-نىڭ پايداسى قانشا؟
بجزق سالىمشىلارىنىڭ 2024 جىلدىڭ ءبىرىنشى ايىنداعى تازا ينۆەستيسيالىق كىرىسى 109،6 ملرد تەڭگەدەن استى. بۇل وتكەن جىلدىڭ وسى كەزەڭىنىڭ كورسەتكىشتەرىنەن 45،7 ملرد تەڭگە نەمەسە 72% -عا ارتىق.
1998 جىلى جيناقتاۋشى زەينەتاقى جۇيەسى قۇرىلعان كۇننەن باستاپ ينۆەستيسيالىق كىرىس 2024 جىلعى 1 اقپاندا شامامەن 9،5 ترلن تەڭگە بولدى. ال بۇكىل كەزەڭ ىشىندە جيناقتالعان ينفلياسيا 761،15% بولعاندا جيناقتالعان ينۆەستيسيالىق كىرىستىلىك وسپەلى قورىتىندىمەن 822،03% كورسەتتى. وسىلايشا، ۇزاق مەرزىمدى كەزەڭدەگى جيناقتالعان ينۆەستيسيالىق كىرىس ينفلياسيادان اسىپ ءتۇستى.
وقۋلىقتاردى تالقىلاۋعا قاتىسىڭىز!
بيىل اقپاننىڭ 12-سىنەن باستاپ جاڭادان ازىرلەنگەن وقۋلىقتاردىڭ مازمۇنىنا قوعامدىق تالقىلاۋلار جۇرگىزىلىپ جاتىر. وقۋ-اعارتۋ مينيسترلىگىنىڭ مالىمەتىنشە، talkylau.ebmso.edu.kz سايتىندا وقۋلىقتار مازمۇنىنىڭ ساپاسى، قۇرىلىمى، ادىستەمەلىك تاسىلدەرى، بايانداۋ ءتىلى مەن بەزەندىرىلۋىنە قاتىستى قوعام مەن عىلىمي-پەداگوگيكالىق قاۋىمداستىق وكىلدەرى پىكىرلەرىن بىلدىرە الادى. وندا جاڭادان ازىرلەنگەن وقۋلىقتار بار.
ۇكىمەتتىڭ حاتشىسى
الماتى قالاسى اكىمىنىڭ باسپا ءسوز قىزمەتىنىڭ باسشىسى بولىپ جۇمىس ىستەگەن ارىپتەسىمىز ديليارا الەنوۆا ق ر پرەمەر-مينيسترىنىڭ باسپا ءسوز حاتشىسى بولدى.
ەڭبەك جولىن 2014 جىلى ءتىلشى بولىپ باستادى. ءار جىلدارى ق ر پرەزيدەنتى جانىنداعى ورتالىق كوممۋنيكاسيالار قىزمەتىندە، ق ر اقپارات جانە كوممۋنيكاسيالار مينيسترلىگى اقپارات كوميتەتىندە، "قازكونتەنت" اق-دا، ق ر پرەمەر-مينيسترىنىڭ باسپا ءسوز قىزمەتىندە، "الماتى قالاسىنىڭ وڭىرلىك كوممۋنيكاسيالار قىزمەتى" كمم باسشىسى، الماتى قالاسى قوعامدىق دامۋ باسقارماسى كوممۋنيكاسيالىق ىس-تاجىريبەلەر ءبولىمىنىڭ باسشىسى، الماتى قالاسى اكىمىنىڭ باسپا ءسوز قىزمەتىنىڭ باسشىسى بولىپ جۇمىس ىستەدى.
پويىز كەستەسىنە ۋاقىتتىڭ وزگەرۋى اسەر ەتە مە؟
كولىك مينيسترلىگى ءبىرىڭعاي ۋاقىت بەلدەۋىنە كوشۋگە قاتىستى مالىمدەمە جاسادى. جولاۋشىلار انىقتامالىق اقپاراتتى 1433 ءنومىرى بويىنشا «جولاۋشىلار تاسىمالى» اق ءبىرىڭعاي انىقتامالىق قىزمەتى ارقىلى نەمەسە @KTZH_PP_BOT Telegram بوتىنىڭ كومەگىمەن تەگىن الا الادى.
29 اقپاننان 2 ناۋرىزعا دەيىن قازاقستاننىڭ اۆياسيالىق اكىمشىلىگىنىڭ جەدەل شتابى بازاسىندا 8 7172 798214، 8 7172 798213 نومىرلەرى بويىنشا «جەدەل جەلى» جۇمىس ىستەيتىن بولادى. سونداي-اق رەيس بويىنشا وزەكتى اقپاراتتى ناقتىلاۋ ءۇشىن جولاۋشىلار اۋەجايدىڭ انىقتامالىق قىزمەتتەرى مەن اۋە كومپانيالاردىڭ Call-ورتالىقتارىنا حابارلاسۋى كەرەك:
- Air Astana 8 727 244 44 77، 8 7172 58 44 77، 8 702 702 44 77؛
- FlyArystan 8 727 331 1010 (WhatsApp 8 702 702 0227)؛
- SCAT 8 7252 99 88 80؛
- Qazaq Air 8 727 356 14 14.
10 ميلليوندىق بورىش
مەملەكەتارالىق ىزدەۋدە جۇرگەن ادامدى الماتىدا ۇستاپ بەردى. كوشى-قون قىزمەتىنىڭ مالىمەتىنشە، 10 ميلليون تەڭگەنى تولەمەگەنى ءۇشىن مەملەكەتارالىق ىزدەۋدە بولعان ت.ەسىمدى ازامات قازاقستانعا كىرۋ كەزىندە ۇستالدى، ونىڭ ەكى جىل بويى شەتەلدە جاسىرىنىپ جۇرگەنى بەلگىلى بولدى. ت.ەسىمدى ازامات سوت شەشىمىن ودان ءارى ورىنداۋ ءۇشىن جەكە سوت ورىنداۋشىسىنا بەرىلدى.
كوكتەمنىڭ ءتۇسى قانداي؟
سانگەرلەر كوكتەم مەزگىلىندەگى باستى تۇستەردىڭ ءبىرى دەپ جاسىلداۋ كەلگەن ءزايتۇن ءتۇستءى تاڭداپ وتىر، ونى كوپتەگەن ديزاينەرلەر وزدەرىنىڭ جاڭا كوللەكسيالارىنا ەنگىزىپ تە ۇلگەرگەن. ستيليستتەر جاڭا ءساندى ءتۇستى ۇتىمدى ءارى ءساندى پايدالانۋ ءۇشىن ونى باسقا تۇستەرمەن قالاي ۇيلەستىرۋگە جانە ءستيلدى بەينەلەردى قالاي جاساۋعا بولاتىندىعىن ايتتى. ءزايتۇن ءتۇسى – 2024 جىلدىڭ كوكتەم ماۋسىمىنداعى ءساندى رەڭك. 2024 جىلدىڭ اقپانىندا ايگىلى Vogue جۋرنالىنىڭ فرانسۋز رەداكسياسى 2024 جىلدىڭ جاڭا كوكتەمگى ماۋسىمىندا ءزايتۇننىڭ جاسىل تۇسىنە باسىمدىق بەرىلەتىنىن حابارلادى. كوپتەگەن برەندتەر ونى ءوز كوللەكسيالارىنا ەنگىزدى.