الماتىدا پاتەر ۇرلىعىمەن اينالىسقاندار ۇستالدى

ۇستالعاندار قاماۋعا الىندى.

الماتىدا پاتەر ۇرلىعىمەن اينالىسقان توپ ۇستالدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.

بۇل جولى ارنايى ءىس-شارا بارىسىندا پوليسەيلەر ءتورت ادامدى ۇستادى: ءۇش ۇرى مەن ءبىر ۇرلانعان زاتتى ساتىپ الۋشى. كريمينالدىق پوليسيانىڭ مالىمەتىنشە، بۇل توپتىڭ كەم دەگەندە 4 پاتەر ۇرلىعىنا قاتىسى بار.

«ءبىر قىزىعى، قاسكويلەر قالا تۇرعىندارىنىڭ كوپشىلىگى جۇمىستا، مەكتەپتە نەمەسە ءىسساپاردا بولاتىن ۋاقىتتا ۇرلىق جاساعان. ونىڭ ۇستىنە ۇشتىك كوپقاباتتى ۇيلەردىڭ پاتەرلەرىن توناعان. بەلگىلى بولعانداي، ولار كامەرادان دا تارتىنباعان: بىرنەشە قىلمىستىق ەپيزود بەينەباقىلاۋ جۇيەسى ارقىلى جازىلىپ قالعان. كۇدىكتىلەر اقبۇلاق ىقشاماۋدانىندا بولعان ۇرلىقتان كەيىن ۇستالدى. سول كەزدە قاسكويلەر بوتەننىڭ قۇنى 1،5 ميلليون تەڭگەدەن اساتىن مۇلكىن ۇرلاعان»، دەدى الماتى قالالىق پوليسيا دەپارتامەنتى باستىعىنىڭ ورىنباسارىنىڭ مىندەتىن اتقارۋشى قۋاتبەك ناۋاتوۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.