قاتتى ىستىققا بايلانىستى تجم كەڭەس بەرەدى

اپتاپ ىستىقتا كەرەك كەڭەس

تجم قاتتى ىستىقتا قاجەتتىلىك بولماعان جاعدايدا دالاعا شىقپاۋعا كەڭەس بەرەدى، دەپ حابارلايدى Almaty-akshamy.kz. 24.kz-كە سىلتەمە جاساپ.

«قازگيدرومەت» رمك دەرەكتەرى بويىنشا، ەلىمىزدىڭ ءبىرقاتار وڭىرلەرىندە تاياۋ كۇندەرى قاتتى ىستىق كۇتىلەدى.

24 شىلدە كۇنى كۇندىز نۇر-سۇلتان قالاسىندا 35 گرادۋس قاتتى ىستىق كۇتىلەدى. 24 شىلدەدە كۇندىز اقمولا وبلىسىندا 35-37 گرادۋس قاتتى ىستىق ساقتالادى، وبلىستىڭ باتىسىندا 40 گرادۋس قاتتى ىستىق كۇتىلەدى. توتەنشە ءورت ءقاۋپى ساقتالادى.

24-25 شىلدەدە كۇندىز قاراعاندى وبلىسىنىڭ وڭتۇستىگىندە 40 گرادۋس قاتتى ىستىق كۇتىلەدى. كەي جەرلەردە توتەنشە ءورت ءقاۋپى ساقتالادى.

كۇندىز 24-26 شىلدەدە جامبىل وبلىسىنىڭ كەي جەرلەرىندە 44 گرادۋس قاتتى ىستىق كۇتىلەدى.

توتەنشە ءورت ءقاۋپى ساقتالادى. 25 شىلدەدە كۇندىز الماتى، پاۆلودار، شىعىس قازاقستان وبلىستارىنىڭ كەي جەرلەرىندە 40-42 گرادۋس قاتتى ىستىق كۇتىلەدى. كەي جەرلەردە توتەنشە ءورت ءقاۋپى ساقتالادى. 25 شىلدەدە كۇندىز تۇركىستان، قىزىلوردا وبلىستارىنىڭ كەي جەرلەرىندە 46 گرادۋس قاتتى ىستىق كۇتىلەدى. توتەنشە ءورت ءقاۋپى ساقتالادى.

25-27 شىلدەدە كۇندىز ماڭعىستاۋ وبلىسىندا 44 گرادۋس قاتتى ىستىق كۇتىلەدى.

اپتاپ ىستىققا قاتىستى، توتەنشە جاعدايلار مينيسترلىگى ىستىقتان ساقتانۋ ءۇشىن ازاماتتاردى اسا قاجەتتىلىك بولماعان جاعدايدا دالاعا شىقپاۋعا كەڭەس بەرەدى. سونىمەن بىرگە:

- اعزانى سۋسىزدانۋدان قورعاۋ ءۇشىن كوپ سۋ، كۇنىنە كەمىندە 1،5-3 ليتر سۇيىقتىق ءىشۋ كەرەك؛

- اپتاپ ىستىقتا كەز كەلگەن دەنە ەڭبەگىنەن باس تارتىڭىز؛

- كۇندىز كۇن ساۋلەسى بولمەگە كىرمەۋى ءۇشىن تەرەزەلەردى اشىق رەڭكتى پەردەلەرمەن جابىڭىز؛

- كۇن وتپەس ءۇشىن باس كيىم، اشىق اۋا وتكىزەتىن كيىم (ماقتادان جاسالعان) كيىڭىز.

سونىمەن قاتار:

«ىستىق اۋا رايىندا بالالارعا ەرەكشە نازار اۋدارىپ، ساق بولىڭىز. سونداي-اق ازاماتتاردى دالا جانە ورمان القاپتارىندا بولعان كەزدە قاۋىپسىزدىك قاعيدالارىنا ساقتاۋعا شاقىرامىز. تابيعي ورتتەردىڭ ورىن الۋىنىڭ نەگىزگى سەبەپتەرى حالىقتىڭ وتتى ابايسىز پايدالانۋى، سوندىرىلمەگەن تەمەكى، الاۋ، جانعان سىرىڭكە، مايلى نەمەسە توزىعى جەتكەن شۇبەرەك، شىنى بوتەلكە، كولىك قۇرالى سوندىرگىشىنىڭ ۇشقىنى، قۇرعاق ءشوپتىڭ جاعۋ، نايزاعاي بولىپ تابىلادى»، - دەدى تجم باسپا ءسوز قىزمەتى.