الماتىدا جول-كولىك وقيعاسىنىڭ سەبەپكەرى سوتتالدى

تەرگەۋ اياقتالدى. قىلمىستىق ءىستىڭ ماتەريالدارى سوتقا وتكىزىلدى.

الماتىدا جكو جاساعان مercedes جۇرگىزۋشىسى ەكى جىل التى اي مەرزىمگە باس بوستاندىعىنان ايىرىلدى، – دەپ حابارلايدى Polisia.kz-كە سىلتەمە جاساعان Almaty-akshamy.kz. 

انىقتاۋ باسقارماسىنىڭ حابارلاۋىنشا، بۇل فاكت 2020 جىلى 12 قاراشادا تۇندە رىسقۇلوۆ داڭعىلىنىڭ بويىمەن شىعىسقا قاراي، ءشارىپوۆا مەن ساين كوشەلەرىنىڭ ارالىعىندا بولعان. 

«كۋاگەرلەردىڭ ايتۋىنشا، داڭعىل بويىمەن ەكى شەتەلدىك كولىك ءوزارا جارىس ۇيىمداستىرعان. Mercedes E-class اۆتوكولىگىنىڭ جۇرگىزۋشىسى ءشارىپوۆ كوشەسىنەن ءوتىپ بارا جاتىپ، كەنەتتەن كولىكتى باسقارا الماي قالدى، ونىڭ كولىگى جولدا اينالىپ، سودان كەيىن بولىنگەن كوگالعا ۇشىپ كەتتى، سول جەردە تەمىر قورشاۋدىڭ ون شاقتى بولىگىن بۇزىپ، كەرى جولعا قاراي شىقتى. جول-كولىك وقيعاسى سالدارىنان Mercedes كولىگىنىڭ الدىڭعى ورىندىعىندا وتىرعان جولاۋشى سول جەردە قايتىس بولدى: ونى ءتىپتى سالونعا ورنالاستىرىلعان قاۋىپسىزدىك جاستىقتارى دا قۇتقارا المادى. شوتايەۆتىڭ ءىس ارەكەتى ق ر قك-نىڭ 345-بابى 3ء-بولىمى جانە 347-بابى بويىنشا قارالدى. تەرگەۋ اياقتالدى. قىلمىستىق ءىستىڭ ماتەريالدارى سوتقا وتكىزىلدى»، – دەپ حابارلادى الماتى قالاسى پوليسيا دەپارتامەنتى باستىعىنىڭ ورىنباسارى رۇستەم ءابدراحمانوۆ.