ويىن ەل-حاۋر قالاسىنداعى 68 مىڭعا جۋىق ادامعا ارنالعان «ەل-بايت» ستاديونىندا وتەدى
قاتاردا ءوتىپ جاتقان فۋتبولدان 2022 جىلعى الەم چەمپيوناتىندا بۇگىن، 14 جەلتوقساندا فرانسيا مەن ماروككو قۇرامالارى فينالعا بەرىلەتىن ەكىنشى جولدامانى ساراپقا سالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەزدەسۋ ەلوردا ۋاقىتىمەن جەلتوقساننىڭ 14-ىنەن 15-ىنە قاراعان ءتۇنى ساعات 1:00-دە باستالادى.
تىكەلەي ەفير «Qazaqstan» جانە «Qazsport» تەلەارنالارىنان كورسەتىلەدى.
ويىن ەل-حاۋر قالاسىنداعى 68 مىڭعا جۋىق ادامعا ارنالعان «ەل-بايت» ستاديونىندا وتەدى.
باس تورەشى – مەكسيكالىق سەسار ارتۋرو راموس. وعان وتانداستارى البەرتو مورين مەندەس پەن ميگەل انحەل ەرناندەس پارەدەس كومەكشىلىك جاسايدى. قوسالقى تورەشى – ۆەنەسۋەلالىق حەسۋس ۆالەنسۋەلا.
FIFA رەيتينگىندە ارگەنتينا – 4، حورۆاتيا 22-ورىندا تۇر.
ەكى قۇراما بۇعان دەيىن بەس مارتە كەزدەستى. ونىڭ ۇشەۋىندە فرانسيا جەڭىسكە جەتسە، ەكى ويىندا تەڭ ناتيجە تىركەلدى.
توپتىق كەزەڭدە D توبىندا ويناعان فرانسيا اۆستراليادان 4:1، دانيادان 2:1 ەسەبىمەن باسىم تۇسسە، تۋنيسكە 0:1 ەسەبىمەن جول بەردى.
ال، 1/8 فينالدا پولشانى 3:1، 1/4 فينالدا انگليانى 2:1 ەسەبىمەن تىزە بۇكتىردى.
توپتىق كەزەڭدە F توبىندا سىنعا تۇسكەن ماروككو حورۆاتيامەن 0:0 ەسەبىمەن تەڭ ويناپ، بەلگيانى 2:0، كانادانى 2:1 ەسەبىمەن جەڭدى. 1/8 فينالدا يسپانيامەن 0:0 ەسەبىمەن تەڭ ويناپ، پەنالتي تەبۋدەن مەرگەندىك تانىتتى.
ال، شيرەك فينالدا پورتۋگاليانى 1:0 ەسەبىمەن جەڭدى.
ەسكە سالساق، فينالعا بەرىلگەن العاشقى جولداماعا ارگەنتينا قۇراماسى يە بولدى.