ۇكىمەت الدىنا تاپسىرمالار قويىلدى
14 شىلدە كۇنى ق ر پرەزيدەنتى قاسىم-جومارت توقايەۆتىڭ ءتوراعالىق ەتۋىمەن ۇكىمەتتىڭ كەڭەيتىلگەن وتىرىسى ءوتتى. پرەزيدەنت ايتقان ماسەلەلەرگە ساراپشىلار پىكىر بىلدىرۋدە، دەپ حابارلايدى Almaty-akshamy.kz.
فيلوسوفيا، ساياساتتانۋ جانە ءدىنتانۋ ينستيتۋتى ساياسي زەرتتەۋلەر ورتالىعى ديرەكتورىنىڭ ورىنباسارى نۇركەن ايتىمبەتوۆتىڭ پىكىرىنشە، مەملەكەت باسشىسى الەمدە ورىن الىپ وتىرعان كۇردەلى گەوساياسي جانە ەكونوميكالىق تۇراقسىزدىقتارعا قاراماستان ەل ەكونوميكاسىنىڭ ءبىرقالىپتى دامىپ، وسى جارتىجىلدىقتىڭ قورىتىندىسى بويىنشا 3،4 پايىزعا، ال ناقتى سەكتور 4،1 پايىز دەڭگەيىندە ءوسىم كورسەتكەندىگىن باسا ايتتى. الايدا، كۇن سايىن قۇبىلىپ وتىرعىن ينفلياسيانى اۋىزدىقتاۋ، ازىق-تۇلىكتىڭ تاپشىلىعى مەن قىمباتشىلىقپەن كۇرەس بويىنشا ۇكىمەت جۇمىسىنا كوڭىلى تولمايتىندىعىن جەتكىزدى. وسىعان بايلانىستى ازاماتتاردىڭ تابىسىن ارتتىرۋ مەن ادام كاپيتالىن دامىتۋ، اقشا-نەسيە جانە سالىق-بيۋدجەت ساياساتىن جەتىلدىرۋ، اۆتوجولداردى جوندەۋ جانە تاعى باسقا دا ناقتى سەكتورلاردى قولداۋ بويىنشا ۇكىمەت الدىنا تاپسىرمالار قويدى.
«مەملەكەت باسشىسىنىڭ ۇكىمەت جۇمىسىن وسىلايشا قاتاڭ باقىلاۋعا الۋى، ەكونوميكانىڭ ءاربىر سالاسىنا جاۋاپتى ورگانداردىڭ ناقتى اتقارعان جۇمىستارىنىڭ تيىمدىلىگىنە قاراپ باعالاۋى – ۋاقىت تالابى. بۇل قوعام الدىنا ۇيرەنشىكتى تۇردە جىل سايىن كەيبىر بيلىك ورگاندارى تاراپىنان بەرىلەتىن، كوپ جاعدايدا سوڭىنا دەيىن ساپالى ورىندالا بەرمەيتىن بوس ۋادەلەر مەن جالعان ەسەپتەردىڭ زامانى كەلمەسكە كەتكەنىن كورسەتەدى. ەندى سوزدەن ناقتى ىسكە كوشەتىن ۋاقىت كەلدى. وسىلايشا ءاربىر جاۋاپتى مينيسترلىكتەردىڭ اتقارعان قىزمەتى مەملەكەت باسشىسىنىڭ ءارقاشان جەكە باقىلاۋىندا بولىپ، توقسان سايىن ناقتى اتقارىلعان شارالار بويىنشا ەسەپ بەرۋى ەلدىڭ تۇ-راقتى دامۋىنىڭ ايقىن كەپىلى بولماق»، - دەيدى نۇركەن ايتىمبەتوۆ.
«وسىعان وراي، پرەزيدەنت ق.ك.توقايەۆ كەيبىر مينيسترلىكتەردىڭ قىزمەتىن سىنعا الىپ، ەسكەرتۋلەر مەن سوگىستەر جاريالادى. اتاپ ايتقاندا، سيفرلىق دامۋ، يننو- ۆاسيالار جانە اەروعارىش ونەركاسىبى ءمينيسترى باعدات مۋسينگە ەسكەرتۋ جاسالدى. پرەزيدەنتتىڭ ايتۋى بويىنشا ەلىمىزدە سيفرلاندىرۋ باياۋ ءجۇرىپ جاتىر. مەملەكەت باشىسىنىڭ بۇل سالاعا ەرەكشە كوڭىل ءبولۋ سەبەبى بۇگىنگى كۇنى سيفرلاندىرۋ ەكونوميكانىڭ دامۋىنىڭ قوزعاۋشى كۇشى بولىپ تابىلادى. قوعام ءومىرىنىڭ بارلىق سالاسىنا سيفرلى تەحنولوگيالاردى ەنگىزۋ ارقىلى ەكونوميكانىڭ دامۋ قارقىنىن جىلدامداتۋ جاھاندىق ترەندكە اينالىپ وتىر». – دەدى ول.
سونىمەن قاتار ساراپشىنىڭ ويىنشا، ءبىزدىڭ مەملەكەتتە سيفرلاندىرۋ سالاسىندا الەمدىك جەتىستىكتەر مەن كەمشىلىكتەردى ەسكەرە وتىرىپ ءتيىمدى ىسكە اسىرىلعان ءىس-شارالار الداعى ۋاقىتتا ەكونوميكالىق ءوسىم مەن الەمدىك ساحنادا ەلدىڭ باسەكەگە قابىلەتتىلىگىن قامتا-ماسىز ەتەتىنى ءسوزسىز. سوندىقتان مەملەكەت باسشىسى بۇگىن سيفرلاندىرۋدى دامىتۋ بويىنشا زاڭعا قول قويدى. بۇل زاڭعا ەنگىزىلگەن وزگەرىستەر مەن تولىقتىرۋلار الداعى ۋاقىتتا يننوۆاسيالاردى ىنتالاندىرۋ، سيفرلاندىرۋدى، اقپاراتتىق قاۋىپسىزدىك پەن ءبىلىم بەرۋدى دامىتۋعا جاعداي جاسايتىن بولادى.