داعدارىس كەزىندە بۇل وتە قاجەت ەكەنى انىق
14 شىلدە كۇنى مەملەكەت باسشىسى قاسىمجومارت توقايەۆ ۇكىمەتتىڭ كەڭەيتىلگەن وتىرىسىن وتكىزدى. ۇكىمەتتىڭ بۇل وتىرىسىن اشىق اڭگىمە دەپ اتاۋعا بولادى دەگەن پىكىرىن جەتكىزدى فيلوسوفيا عىلىمىنىڭ كانديداتى جازيرا وشاقبايەۆا، دەپ حابارلايدى Almaty-akshamy.kz.
ونىڭ پىكىرىنشە، مەملەكەت باسشىسى ەكونوميكامىزدىڭ كوپتەگەن اۋىر تۇستارىن ايتا كەلىپ، قازاقستاننىڭ جاڭا ۇكىمەتىنىڭ الدىندا تۇرعان: ينفلياسيانى جانە ازىق-تۇلىك تاۋارلارىنىڭ باعاسىن تۇراقتاندىرۋ، ازاماتتاردىڭ تابىسىن ارتتىرۋ جانە ادامي كاپيتالدى دامىتۋ، اقشا-نەسيە جانە سالىقتىق-بيۋدجەت ساياساتىن جەتىلدىرۋ، ەكونوميكانىڭ ناقتى سەكتورىنا قولداۋ كورسەتۋ، ەنەرگەتيكالىق قاۋىپسىزدىكتى قامتاماسىز ەتۋ، اۆتوجول ينفراقۇرىلىمىن دامىتۋ سياقتى ماسەلەلەر بويىنشا ناقتى مىندەتتەر جۇكتەدى.
«ۇكىمەتتىڭ باستى مىندەتتەرىنىڭ ءبىرى – انا مەن بالا دەنساۋلىعىن ساقتاۋ. وكىنىشكە وراي، انا مەن ءسابي ءولىمى كوبەيدى. دەنساۋلىق ساقتاۋ سالاسىندا ءالى دە شەشىمىن تاپپاعان ماسەلەلەر كوپ. قاسىم-جومارت توقايەۆتىڭ ايتۋىنشا، پەرزەنتحانالاردىڭ كوپشىلىگى حالىقارالىق ستاندارتتارعا ساي ەمەس. سوندىقتان شۇعىل شارالار قابىلداپ، بۇل ماسەلەنى شەشۋ قاجەت. جالپى، دەنساۋلىق ساقتاۋ سالاسىندا تۇيتكىلدى ماسەلەلەر كوپ. قازاقستاندا سوزىلمالى اۋرۋلاردان بولاتىن ءولىم كورسەتكىشى وتە جوعارى. پرەزيدەنت مەديسينالىق ساقتاندىرۋدىڭ دا دۇرىس جۇمىس ىستەمەيتىندىگىن اتاپ ءوتتى، وعان ءجۇز پايىز كەلىسەمىز. حالىق ساقتاندىرۋ جارناسىن تولەۋدە، ءبىراق تيەسىلى قىزمەتتەردى تولىق الا الماي وتىرمىز. سونىمەن بىرگە، ەل باسشىسى ەلگە قايتىپ كەلۋگە نيەتتەنگەن قانداستارعا تولىق كولەمدە قولداۋ كورسەتىلەتىنىن، تەك ماڭعىستاۋ وڭىرىمەن شەكتەلىپ قويماي، باسقا وبلىستارعا، سونىڭ ىشىندە ءوندىرىسى دامىعان ايماقتارعا دا قونىستاندىرۋ قاجەتتىلىگىن اتاپ ءوتتى. مەملەكەت باسشىسى ۇكىمەتتىڭ جۇمىسىنا ورتاشا دەگەن باعا بەرىپ، كۇزگە قاراي كادرلىق شەشىم قابىلداۋعا تۋرا كەلۋى مۇمكىن ەكەنىن ەسكەرتتى. داعدارىس كەزىندە بۇل وتە قاجەت ەكەنى انىق»، - دەيدى جازيرا وشاقبايەۆا.