قازاقستاننىڭ ۇلتتىق قۇراما كومانداسىنا قاسىم-جومارت توقايەۆ قول بۇلعاپ، قولداۋ كورسەتتى.
مەملەكەت باسشىسى بەيجىڭدەگى «قۇس ۇياسى» ۇلتتىق ستاديونىندا وتكەن XXIV قىسقى وليمپيادا ويىندارىنىڭ اشىلۋ سالتاناتىنا قاتىستى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
سالتاناتتى اشىلۋ راسىمىنە قازاقستان پرەزيدەنتى قاسىم-جومارت توقايەۆ جانە قحر ءتوراعاسى سي سزينپينمەن قاتار ارگەنتينا، مىسىر، قىرعىزستان، پولشا، رەسەي، سينگاپۋر، سەربيا، تاجىكستان، تۇرىكمەنستان، وزبەكستان، ەكۆادور پرەزيدەنتتەرى، قاتار ءامىرى، بوسنيا جانە گەرسەگوۆينا، گرەكيا، موڭعوليا جانە پاكىستان پرەمەر-مينيسترلەرى، كامبودجا كورولى، ساۋد ارابياسىنىڭ تاق مۇراگەرى، ءابۋ-دابيدىڭ تاق مۇراگەرى، موناكونىڭ حانزاداسى، ليۋكسەمبۋرگتىڭ ۇلى گەرسوگى، تايلاندتىڭ حانشايىمى، بۇۇ باس حاتشىسى، حالىقارالىق وليمپيادا كوميتەتىنىڭ پرەزيدەنتى، دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى، شانحاي ىنتىماقتىق ۇيىمىنىڭ باس حاتشىسى جانە باسقا دا ءبىرقاتار شەتەلدىك رەسمي تۇلعا قاتىستى.
وليمپياداعا قاتىسۋشى مەملەكەتتەر سپورتشىلارىنىڭ سالتاناتتى شەرۋىندە قازاقستاننىڭ مەملەكەتتىك تۋىن شورت-ترەكشى ابزال اجىعالييەۆ پەن كونكيمەن سىرعاناۋشى ەكاتەرينا ايدوۆا الىپ ءوتتى. قازاقستاننىڭ ۇلتتىق قۇراما كومانداسىنا قاسىم-جومارت توقايەۆ قول بۇلعاپ، قولداۋ كورسەتتى.
قىسقى وليمپيادادا 87 جولداما ۇتىپ العان ۇلتتىق قۇراما ساپىنداعى 34 سپورتشى جۇلدەگە تالاسادى. ولار شاڭعى، فريستايل، تاۋ شاڭعىسى، ترامپليننەن شاڭعىمەن سەكىرۋ، شاڭعى قوسسايىسى، بياتلون، كونكيمەن جۇگىرۋ جانە شورت-ترەك سياقتى سپورتتىڭ سەگىز ءتۇرى بويىنشا سايىسقا تۇسەدى.
16 كۇنگە سوزىلاتىن وليمپيادا ويىندارىندا سپورتتىڭ 15 تۇرىنەن 109 مەدال ساراپقا سالىنادى.