802 كۇدىكتى سوت سانكسياسىمەن قاماۋعا الىندى.
ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ قاڭتار وقيعاسىنا قاتىستى 2 750 قىلمىستىق ءىس تەرگەلۋدە ەكەنىن ايتتى، دەپ حابارلايدى Almaty-akshamy.kz
«باس پروكۋراتۋرا قاڭتار وقيعاسىندا بولعان قىلمىستاردىڭ تەرگەلۋىن، ازاماتتاردىڭ كونستيتۋسيالىق قۇقىقتارىن، زاڭدىلىقتىڭ ساقتالۋىن قاداعالاۋدى جالعاستىرىپ كەلەدى. بۇگىنگى كۇنى 2 750 قىلمىستىق ءىس تەرگەلۋدە. 802 كۇدىكتى سوت سانكسياسىمەن قاماۋعا الىندى. ال 91 تۇلعاعا بۇلتارتپاۋ شاراسى قولدانىلدى. قاماۋعا الىنعانداردىڭ 113ء-ى - سوتتى بولعان، كىسى ءولتىرۋ، ۇرلىق، توناۋ جانە قاراقشىلىق ءۇشىن جانە راديكالدى ءدىني اعىمداردىڭ جاقتاۋشىلار»، - دەدى ول ورتالىق كوممۋنيكاسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، كۇدىكتىلەردى قاماۋعا الۋ ماسەلەسىن قاراستىرۋ كەزىندە ولاردىڭ ءارقايسىسىنىڭ ىس-ارەكەتى، جەكە باسى، كىناسىن مويىنداۋ جانە تەرگەۋگە كومەك كورسەتۋى ەسكەرىلەدى.
«وسى نەگىزدەرمەن پروكۋرورلار كۇدىكتىنى قاماۋعا الۋ تۋرالى 11 ۇسىنىستى قولدامادى. ءوز كەزەگىندە سوت تا 80 كۇدىكتىنى قاماۋعا الۋدان باس تارتتى. ۋاقىتشا ۇستاۋ يزولياتورىنان 103 ادام بوساتىلدى»، - دەدى ەلدوس قيلىمجانوۆ.