قاسىم-جومارت توقايەۆ ۆەتنام پرەزيدەنتىنە قۇتتىقتاۋ جەدەلحاتىن جولدادى
مەملەكەت باسشىسى قاسىم-جومارت توقايەۆ پرەزيدەنت ۆو ۆان تحىونگتى جانە ۆەتنام حالقىن ۇلتتىق مەرەكەسى – تاۋەلسىزدىك كۇنىمەن قۇتتىقتادى.
– ءبىز شىنايى دوستىق پەن تابىستى ساياسي ديالوگقا نەگىزدەلگەن ۆەتنام سوسياليستىك رەسپۋبليكاسىمەن اراداعى كونسترۋكتيۆتى سەرىكتەستىكتى جوعارى باعالايمىز. جۋىردا حانويدا قازاقستان-ۆەتنام قاتىناستارىنىڭ بارلىق باعىتى بويىنشا وتكەن اشىق ءارى مازمۇندى تالقىلاۋلارىمىزدى ەرەكشە ەسكە الامىن، – دەپ جازىلعان جەدەلحاتتا.
قاسىم-جومارت توقايەۆ ەكىجاقتى ىنتىماقتاستىقتى ودان ءارى نىعايتۋعا دايىن ەكەنىن راستاپ، ۆەتنام باسشىسىنىڭ يگى باستامالارىنا تابىس تىلەدى.