الماتىلىقتار "ۇلى دالا – كوشپەندىلەر الەمى" ەتنوفەستيۆالىندە كوشپەندىلەردىڭ جاۋىنگەرلىك ويىندارىن، ات سپورتىە جانە ايتىس ونەرىن كوردى. فەستيۆال 2-3 قىركۇيەكتە "بورالداي ساق قورعاندارى" ارحەولوگيالىق ساياباعىندا وتەدى.
ءىس-شارا قالا كۇنىنە ورايلاستىرىلعان جانە "الماتى – شانحاي ىنتىماقتاستىق ۇيىمىنىڭ مادەني جانە تۋريستىك استاناسى" جوباسىنىڭ ءبىر بولىگى بولىپ تابىلادى.
فەستيۆال قوناقتارى ۇلى دالا كوشپەندىلەرىنىڭ ەجەلگى مادەنيەتى مەن داستۇرلەرىن تاماشالاي الادى. ول ءۇشىن ساياباق اۋماعىندا 50 كيىز ۇيدەن تۇراتىن ءتۇرلى-تۇستى ەتنواۋىل بار، قازاقتىڭ ءداستۇرلى "التىباقان" اتكەنشەگى ورناتىلىپ، تاس ديىرمەنى جۇمىس ىستەيدى.
باعدارلامادا كوشپەندىلەردىڭ جەكپە-جەك ويىندارى، ات سپورتى ونەرى، ساداقشىلار اراسىنداعى جارىس، ءداستۇردى دارىپتەۋشىلەردىڭ كورمە قويىلىمدارى جانە ت.ب. بار. ۇيىمداستىرۋشىلار سونىمەن قاتار، قوناقتارعا ۇلتتىق تاعامدار مەن قولونەر بۇيىمدارىن دايىنداۋ بويىنشا بايقاۋلار، شەبەرلىك دارىستەرىن ۇسىندى.
ۇلتتىق تاعامدار الاڭى ۇلتتىق تاعامداردىڭ الۋان تۇرلىلىگىن ۇسىنادى: بالقۋىرداق، ءاسىپ، بۇرمەقارىن، ۇلپەرشەك، بالقايماق باۋىرساق، قۇرت، ەرتىس، قىمىز، شۇبات جانە ت.ب.
فەستيۆالدە ازەربايجان، تۇركيا، ماجارستان (ۆەنگريا)، مالايزيا، باشقۇرتستان، داعىستان، چۋۆاشيا، التاي، بۋرياتيا، وزبەكستان جانە قىرعىزستاننىڭ ۇزدىك ەتنومۋزىكانتتارى مەن سپورتشىلارى ونەر كورسەتەدى.
سونىمەن بىرگە، قوناقتاردى جىگىتتەر مەن قىزداردىڭ ءان بويىنشا جەكپە-جەگى، ارمرەستلينگ، ارقان تارتۋ جانە باسقا دا ۇلتتىق ويىندارى بار جاستار الاڭى كۇتەدى. كىشكەنتاي قوناقتاپ ءۇشىن اتتراكسيوندار، قۋىرشاق تەاترى جانە شەبەرلىك دارىستەرى بار ويىن الاڭى ورىن تەپكەن.
فەستيۆال 2-3 قىركۇيەكتە تاڭعى 10.00-دەن كەشكى 18.00-گە دەيىن وتەدى. كىرۋ تەگىن.
وتەتىن ورنى: الماتى قالاسى، الاتاۋ اۋدانى، "بورالداي ساق قورعاندارى" ارحەولوگيالىق پاركى.
"بورالداي ساق قورعاندارى" ارحەولوگيالىق پاركىنە ءتورت جەردەن ارنايى اۆتوبۋستارمەن جەتۋگە بولادى:
- ورتالىق ستاديون؛
- ناتاليا ساس اتىنداعى تەاتر (التىنسارين كوشەسى، 22)؛
- 3.الاتاۋ ءداستۇرلى ونەر تەاترى (مومىش ۇلى كوشەسى جاعىنان)؛
- الماتى-1 تەمىرجول ۆوكزالى (اۆتوتۇراق)
انىقتاما تەلەفونى: +7 707 730 61 68