مەملەكەت باسشىسى قاسىم-جومارت توقايەۆ ۇلتتىق قۇرىلتاي وتىرىسىندا وتكەن رەفورما مەن جاڭعىرتۋ ۇدەرىستەرىنە توقتالىپ، ماڭىزدى وزگەرىستەر مەن جەتىستىكتەردى اتاپ ءوتتى، دەپ حابارلايدى aqshamnews.kz
«وسىدان ءۇش جىل بۇرىن ناۋرىز ايىندا ارنايى جولداۋ جاريالادىم، ونى بىلەسىزدەر. ەلىمىزدى تۇبەگەيلى جاڭعىرتۋ ءۇشىن اۋقىمدى رەفورما جاسايتىنىمىزدى ايتتىم. سول كەزدە العاش رەت ۇلتتىق قۇرىلتاي تۋرالى باستاما كوتەردىم»، – دەدى پرەزيدەنت.
مەملەكەت باسشىسى ءۇش جىل ىشىندە قازاقستاننىڭ جاڭا تۇرپاتتى ەلگە اينالعانىن ايتتى. ول ساياسي رەفورمالاردىڭ ەلدەگى جان-جاقتى وزگەرىستەرگە مۇمكىندىك بەرگەنىن اتاپ ءوتتى. جولداۋدىڭ اياسىندا جالپىۇلتتىق رەفەرەندۋم ارقىلى اتا زاڭعا تۇزەتۋلەر ەنگىزىلگەنى، پارلامەنتتىڭ قۇزىرەتى كەڭەيىپ، ۇكىمەتتىڭ جاۋاپكەرشىلىگى ارتقانى ايتىلدى.
سونىمەن قاتار، ادام قۇقىقتارىن قورعاۋ جۇيەسىنىڭ جاقسارعانى، كونستيتۋسيالىق سوتتىڭ قۇرىلعانى جانە ازاماتتاردىڭ شەشىم قابىلداۋ ۇدەرىسىنە بەلسەنە قاتىسۋىنا مۇمكىندىك تۋعانى دا ءسوز بولدى.
پرەزيدەنتتىڭ ايتۋىنشا، وسى جانە باسقا دا ماڭىزدى رەفورمالار ەلىمىزدى جاڭعىرتۋ جانە ونىڭ دامۋى ءۇشىن زور ماڭىزعا يە.