قاسىم-جومارت توقايەۆ ۇلتتىق قۇرىلتاي وتىرىسىندا ءسوز سويلەپ، بارشا قازاقستاندىقتاردى امال كۇنىمەن قۇتتىقتادى، دەپ حابارلايدى aqshamnews.kz
«ەڭ الدىمەن، بۇگىن امال كۇنى بارشاڭىزعا قۇتتى بولسىن دەگىم كەلەدى. قىستان امان-ەسەن شىعىپ، اعايىن-باۋىرمەن كورىسۋ – ەجەلدەن كەلە جاتقان اتا ءداستۇرىمىز. بۇل كۇن – ءاز-ناۋرىزدىڭ باستاۋى. ەلىمىزدىڭ ءتول مەرەكەسى بيىل دا قاسيەتتى ورازا ايىنا ورايلاس كەلىپ وتىر»، – دەدى پرەزيدەنت.
قاسىم-جومارت توقايەۆ مەرەكەلەردىڭ حالقىمىزدى يگى امالدار جاساۋعا جانە اسىل قاسيەتتەرىمىزدى دارىپتەۋگە باعىتتايتىنىن اتاپ ءوتتى. ول سونداي-اق، ۇلتتىق قۇرىلتايدىڭ وسىنداي قاسيەتتى مەرەكەلەرمەن قاتار ءوتىپ جاتقانى جاقسىلىقتىڭ نىشانى ەكەنىن ايتتى.
ۇلتتىق قۇرىلتاي وتىرىسى ەلىمىزدەگى ماڭىزدى ماسەلەلەردى تالقىلاۋ جانە حالقىمىزدىڭ يگىلىگى ءۇشىن شەشىمدەر قابىلداۋ الاڭى بولىپ تابىلادى.