بۇگىن پرەزيدەنت استانادا ءوتىپ جاتقان «جۇمىسشى ماماندىقتارىنىڭ قالاسىن» ارالاپ كوردى. اتالعان ءىس-شارادا مەملەكەت باسشىسى ەلىمىزدىڭ تىنىشتىعى مەن تۇراقتىلىعى ەڭ باستى قۇندىلىق ەكەنىنە نازار اۋداردى، دەپ حابارلايدى aqshamnews.kz.
– ءبىز «بىرلىگىمىز – ءارالۋاندىقتا» يدەولوگياسىن تەمىرقازىق ەتىپ ۇستانىپ وتىرمىز. ۇلتىمىز بەن نانىم-سەنىمىمىز ءارتۇرلى ەكەنىنە قاراماستان، ءبىر قوعامدا تۇتاس حالىق بولىپ ءومىر سۇرەمىز. مەن بارشاڭىزدى وسىناۋ تەرەڭ ۇدەرىستى تولىق تۇسىنۋگە شاقىرامىن. سوندا عانا تابىسقا جەتە الامىز. ءقازىر ۋكراينا جونىندە كوپ ايتىلىپ جاتىر. ءبىز العاشقى كەزدەن باستاپ وسى سوعىستى مىندەتتى تۇردە توقتاتۋ كەرەك، ديپلوماتيالىق كەلىسسوزدەر ارقىلى ءبىر مامىلەگە كەلۋ قاجەت دەپ ايتتىق. بۇل ۇستانىمىمىز ەندى شىندىققا اينالدى. ەكى الپاۋىت ەل ساياسي سۇحبات جۇرگىزە باستادى. بۇل – جاقسى ءۇردىس. ءارى قازاقستانعا پايداسىن تيگىزەدى. سوندىقتان ءبىز مۇنى مەيلىنشە قولدايمىز، – دەدى ق. توقايەۆ.