قازاقستان پرەزيدەنتى وزبەكستان باسشىلىعىنىڭ قاراقالپاقستانداعى تۇراقتىلىقتى قامتاماسىز ەتۋ جونىندەگى شەشىمى ۋاقىتىلى قابىلدانعانىن اتاپ ءوتتى.
مەملەكەت باسشىسى قاسىم-جومارت توقايەۆ پەن وزبەكستان پرەزيدەنتى شاۆكات ميرزيويەۆ تەلەفون ارقىلى سويلەسۋ بارىسىندا ەكىجاقتى جانە وڭىرلىك كۇن تارتىبىندەگى ماسەلەلەردى تالقىلادى، دەپ حابارلايدى Almaty-akshamy.kz
قاسىم-جومارت توقايەۆ شاۆكات ميرزيويەۆتىڭ كونستيتۋسياعا وزگەرىستەر ەنگىزۋ جونىندەگى رەفەرەندۋمدى ءساتتى وتكىزۋىنە تىلەكتەستىك ءبىلدىرىپ، بۇل وقيعا باۋىرلاس وزبەكستاندى جاڭعىرتۋعا باعىتتالعان اۋقىمدى ساياسي جانە الەۋمەتتىك-ەكونوميكالىق باعدارلامالاردى جۇزەگە اسىرۋ ءۇشىن ماڭىزدى قادام بولاتىنىن اتاپ ءوتتى.
سونىمەن قاتار ەكى ەل باسشىلارى قىرعىزستاندا وتەتىن ورتالىق ازيا مەملەكەتتەرى كوشباسشىلارىنىڭ الداعى كونسۋلتاتيۆتىك كەزدەسۋىنىڭ كۇن ءتارتىبىن تالقىلادى.