قاسىم-جومارت توقايەۆ رەسەي مۇسىلماندارى قاۋىمىنىڭ وكىلدەرىمەن كەزدەستى

قوناقتار VII سەزدىڭ ۇيىمداستىرىلۋ دەڭگەيىن جوعارى باعالادى.

الەمدىك جانە ءداستۇرلى دىندەر كوشباسشىلارىنىڭ VII سەزى اياسىندا قازاقستان پرەزيدەنتى قاسىم-جومارت توقايەۆ رەسەي مۇسىلماندارى ءدىني باسقارماسىنىڭ ءتوراعاسى راۆيل گاينۋتدينمەن جانە تاتارستان مۇسىلماندارى ءدىني باسقارماسىنىڭ ءتوراعاسى كاميل ساميگۋللينمەن كەزدەسۋ وتكىزدى، دەپ حابارلايدى Almaty-akshamy.kz اقورداعا سىلتەمە جاساپ.

مەملەكەت باسشىسى سەزدىڭ بيىك ماقساتتارى مەن مىندەتتەرىن ىلگەرىلەتۋگە بەلسەنە اتسالىسقانى ءۇشىن ولارعا ريزاشىلىعىن ءبىلدىردى.

قاسىم-جومارت توقايەۆ بيىل اقپان ايىندا ءوزىنىڭ تاتارستانعا ساپارىن ەسكە الدى جانە ولاردى ەدىل بۇلعارياسىنىڭ يسلامدى قابىلداعانىنا 1100 جىل تولۋىمەن قۇتتىقتادى. ونىڭ ايتۋىنشا، بۇل تاريحي وقيعانىڭ تاتارستان مۇسىلماندارى جاماعاتى مەن رەسەيدىڭ بارشا كوپكونفەسسيالى حالقى ءۇشىن ماڭىزى زور.

پرەزيدەنت VII سەزدىڭ كۇردەلى كەزەڭدە ءوتىپ جاتقانىن اتاپ ءوتىپ، حالىقارالىق قوعامداستىقتى بىرىكتىرۋ ءۇشىن كونفەسسياارالىق ديالوگتى نىعايتۋ ماڭىزدى ەكەنىن ايتتى.

راۆيل گاينۋتدينوۆ پەن كاميل ساميگۋللين كەزدەسۋ وتكىزگەنى ءۇشىن قاسىم-جومارت توقايەۆقا العىس ايتىپ، VII سەزدىڭ ۇيىمداستىرىلۋ دەڭگەيىن جوعارى باعالادى.