ماڭعىستاۋ وبلىسىنداعى احۋال وڭاي ەمەس. بۇل تۋرالى ۇكىمەتتىڭ كەڭەتىلگەن وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى اlmaty-akshamy.kz
«وبلىستاعى احۋال راسىندا وڭاي ەمەس. مەنىڭ تاپسىرمام بويىنشا وسى ءوڭىردى دامىتۋعا قاتىستى كەشەندى جوسپار قابىلداندى. بۇل قۇجات بيىل تاعى دا پىسىقتالدى. سوعان سايكەس قوماقتى قارجى ءبولۋ كوزدەلگەن. قاراجات ءبىرىنشى كەزەكتەگى مىندەتتەردى شەشۋگە جۇمسالۋى ءتيىس. سوندىقتان ءىستى سوزبالاڭعا سالماي دەرەۋ جۇمىسقا كىرىسۋ كەرەك»، - دەدى ق ر پرەزيدەنتى.
مەملەكەت باسشىسىنىڭ اتاپ وتۋىنشە، قابىلدانعان شارالارعا قاراماستان، ەڭبەك ۇجىمدارىنىڭ نارازىلىعى كۇشەيىپ كەلەدى.
«ونى اشىق ايتۋ كەرەك. جۇمىسشىلاردىڭ بارلىق تالابىن مۇقيات قاراۋ كەرەك. ولاردىڭ زاڭدى قۇقىقتارى مەن مۇددەلەرى ساقتالۋعا ءتيىس. كاسىپوداق جەتەكشىلەرىمەن جانە جۇمىسشىلارى شەرۋگە شىعىپ جاتقان كومپانيا يەلەرىمەن سىندارلى ديالوگ ورناتۋ قاجەت. قابىلدانعان شەشىمنىڭ ءبارىن قاراپايىم جۇمىسشىلارعا دۇرىستاپ ءتۇسىندىرۋ كەرەك. پروبلەمامەن اينالىسۋدى اكىمدىككە عانا جۇكتەپ قويۋعا بولمايدى. ولاردى قولداپ، تۋىنداعان ماسەلەنى بىرلەسە قاراعان ءجون. نارازىلىق بىلدىرگەن ازاماتتاردىڭ پروبلەمالارىن شەشۋ ءۇشىن ۇكىمەت پەن «سامۇرىق-قازىنا» قورى تىعىز جۇمىس ىستەۋى ءتيىس. قاجەت بولسا ۇكىمەتتىك ارنايى كوميسسيانى تاعى دا ماڭعىستاۋ وبلىسىنا جىبەرۋ كەرەك»، - دەدى قاسىم-جومارت توقايەۆ.