قازىرگى كەزدە 432 مىڭعا جۋىق تىركەلمەگەن مال باسى بار.
«اۋىل شارۋاشىلىعى جانۋارلارىن بىردەيلەندىرۋ» اقپاراتتىق جۇيەسىندە «جاسىل ءدالىز-3» فۋنكسيونالى ىسكە قوسىلدى. ول 2022 جىلدىڭ 31 مامىرىنا دەيىن جۇمىس ىستەيتىن بولادى، دەپ حابارلايدى Almaty-akshamy.kz.
ۆەتەريناريا سالاسىنىڭ قىزمەتكەرلەرى وقىتىلدى، جۇيەدە تىركەۋگە جاتاتىن اۋىل شارۋاشىلىعى جانۋارلارىن سايكەستەندىرۋ ءۇشىن جاو باسقارمالارى قوسالقى جانە فەرمەرلىك شارۋاشىلىقتاردى ارالاۋدى باستادى.
«جاسىل ءدالىزدىڭ» اشىلۋى اۋىل شارۋاشىلىعى جانۋارلارىن بىردەيلەندىرۋ قاعيدالارىنا سايكەس، 2000-2021 جىلدار ارالىعىنداعى تۋعان كۇنى دياپازونىمەن اجب اقپاراتتىق جۇيەسىندە تىركەلمەگەن جانۋارلاردى سايكەستەندىرۋ جانە تىركەۋ جونىندەگى جۇمىستى اياقتاۋعا مۇمكىندىك بەرەدى. جەدەل دەرەكتەر بويىنشا، بۇگىنگى تاڭدا ەلىمىزدە 432 مىڭعا جۋىق تىركەلمەگەن مال باسى بار»، - دەلىنگەن اشم باسپا ءسوز قىزمەتىنىڭ حابارلاماسىندا.
سونىمەن قاتار، ق ر اشم ۆەتەرينارلىق باقىلاۋ جانە قاداعالاۋ كوميتەتىنە جۇيەگە تۇزەتۋلەر ەنگىزۋ الگوريتمىن ازىرلەۋ، تىركەلمەگەن مال باسىن اجب دەرەكتەر بازاسىندا زاڭداستىرۋ، اجب ءموبيلدى قوسىمشاسىن پايدالانۋ بولىگىندە (تەحنيكالىق دايىندىعىنا قاراي) اۋىل شارۋاشىلىعى جانۋارلارىن بىردەيلەندىرۋ ەرەجەلەرى مەن دەرەكتەر بازاسىن قالىپتاستىرۋ جانە جۇرگىزۋ قاعيدالارىنا وزگەرىستەر ەنگىزۋ بويىنشا جۇمىس ىستەۋدى تاپسىرىلدى.
ەستەرىڭىزگە سالا كەتەيىك، «جاسىل ءدالىز-2» اياسىندا جۇرگىزىلگەن جۇمىستاردىڭ قورىتىندىسى بويىنشا قوسىمشا 71 343 اۋىل شارۋاشىلىعى مالى تىركەلگەن.