قاسىم-جومارت توقايەۆ پراۆوسلاۆيە شىركەۋىنىڭ وكىلدەرىمەن كەزدەستى

پرەزيدەنت قازاقستاندا ءداستۇرلى دىندەردىڭ، سونىڭ ىشىندە پراۆوسلاۆيەنىڭ دامۋىنا بارلىق جاعداي جاسالىپ جاتقانىن اتاپ ءوتتى. 

مەملەكەت باسشىسى قاسىم-جومارت توقايەۆ ماسكەۋ پاتريارحاتىنىڭ سىرتقى شىركەۋلىك بايلانىستار دەپارتامەنتىنىڭ ءتوراعاسى، ۆولوكولامسك ءميتروپوليتى ءانتونييدى، قازان جانە تاتارستان ءميتروپوليتى كيريللدى، استانا جانە قازاقستان ءميتروپوليتى الەكساندردى قابىلدادى، دەپ حابارلايدى Almaty-akshamy.kz اقورداعا سىلتەمە جاساپ. 

كەزدەسۋ بارىسىندا مەملەكەت باسشىسى ميتروپوليت ءانتونييدى جاڭا قىزمەتكە تاعايىندالۋىمەن قۇتتىقتاپ، پراۆوسلاۆيە ءدىنى قازاقستان حالقىنىڭ بىرلىگى مەن ىنتىماعىن نىعايتۋدا ماڭىزدى ءرول اتقاراتىنىن اتاپ ءوتتى. مەملەكەت باسشىسىنىڭ ايتۋىنشا، پراۆوسلاۆيە شىركەۋى قوعامدا جالپى ادامزاتتىق رۋحاني-ادامگەرشىلىك قۇندىلىقتاردى وسىرۋگە جانە ناسيحاتتاۋعا زور ۇلەس قوسىپ كەلەدى. قاسىم-جومارت توقايەۆ قازاقستاندا ءداستۇرلى دىندەردىڭ، سونىڭ ىشىندە پراۆوسلاۆيەنىڭ دامۋىنا بارلىق جاعداي جاسالىپ جاتقانىن اتاپ ءوتتى.

كەزدەسۋ سوڭىندا قاسىم-جومارت توقايەۆ ماسكەۋ جانە بۇكىل رەسەي پاتريارحى كيريللگە سەزدىڭ نەگىزگى ماقساتىن ىلگەرىلەتۋگە جاساعان كومەگى ءۇشىن ەرەكشە العىسىن جولداپ، وعان زور دەنساۋلىق پەن رۋحاني كۇش-قۋات تىلەدى.

ءوز كەزەگىندە پراۆوسلاۆيە شىركەۋىنىڭ وكىلدەرى پاتريارح كيريلدىڭ مەملەكەت باسشىسىنا ىزگى تىلەكتەرىن جەتكىزدى، سونداي-اق ونىڭ قازاقستان باستامالارىن قولدايتىنىن مالىمدەدى.

 https://almaty-akshamy.kz/uploads/images/2022/09/image_750x_63218badceabb.jpg