قاسىم-جومارت توقايەۆ پاكىستان پرەزيدەنتىنە كوڭىل ايتتى
مەملەكەت باسشىسى پاكىستاننىڭ وڭتۇستىك-باتىسىنداعى بەلۋدجيستان پروۆينسياسىندا كوپتەگەن ادام شىعىنىنا اكەپ سوقتىرعان جويقىن جەر سىلكىنىسىنە بايلانىستى وسى ەلدىڭ پرەزيدەنتى اريف الۆيگە كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
«قازاقستان حالقىنىڭ جانە ءوزىمنىڭ اتىمنان تابيعي اپاتتان قازا تاپقانداردىڭ وتباسىنا كوڭىل ايتىپ، زارداپ شەككەن ازاماتتاردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، – دەپ جازىلعان جەدەلحاتتا.