سپورتشىمىز جارادى!
ۇلتتىق وليمپيادا كوميتەتىنىڭ دەرەگىنشە، نورۆەگيانىڭ وسلو قالاسىندا ءوتىپ جاتقان الەم چەمپيوناتىندا ايەلدەر كۇرەسىنەن 72 كەلى سالماق دارەجەسىندەگى فينالدىق كەزەڭ اياقتالدى، دەپ حابارلايدى Almaty-akshamy.kz.
بۇل سالماق بويىنشا فينالدا بەلدەسكەن قازاقستاندىق ءجاميلا باقبەرگەنوۆا جاپوندىق ماساكو فۋرۋيتيدەن جەڭىلىس تاپتى. قورىتىندى ەسەپ - 0:3.
بۇل - ءجاميلانىڭ ەرەسەكتەر اراسىنداعى الەم چەمپيوناتىندا ەنشىلەگەن العاشقى مەدالى. بۇعان دەيىن ول 2019 جىلى نۇر-سۇلتاندا وتكەن الەم چەمپيوناتىنىڭ قولا جۇلدەسى ءۇشىن كۇرەسىپ، تاپ وسى ماساكودان 0:2 ەسەبىمەن ۇتىلعان بولاتىن.
وسلوداعى الەم چەمپيوناتىن قازاقستان ايەلدەر كومانداسى جالعىز مەدالمەن اياقتادى. ال ەركىن كۇرەس شەبەرلەرىنىڭ ەنشىسىندە بىردە-بىر مەدال جوق.