الماتىدا ونكولوگيالىق اۋرۋلاردان بولاتىن ءولىم-جىتىم ازايدى

قاتەرلى ىسىك اۋرۋلارىنىڭ الدىن الۋ ءۇشىن سكرينينگتەن ۋاقىتىلى وتكەن ءجون

ونكولوگيالىق ورتالىقتىڭ باس دارىگەرى نۇرسۇلتان ىزباعامبەتوۆتىڭ ايتۋىنشا، 2021 جىلدىڭ 9 ايىنىڭ قورىتىندىسى بويىنشا مەگاپوليستە ءولىم-جىتىم 10%-عا دەيىن ازايعان، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.

«الماتىدا ونكولوگيالىق اۋرۋلار ەرتە كەزەڭدە ءجيى انىقتالا باستادى. قاتەرلى جاڭا وسكىندەردى، سونىڭ ىشىندە، كوۆيد-19 ينفەكسياسى بار پاسيەنتتەردى كت-عا جىبەرۋ ەسەبىنەن ەرتە باستان دياگنوستيكالاۋ ۇلعايدى. ءولىمنىڭ تومەندەۋى الماتى قالاسىنداعى ونكولوگيالىق اۋرۋمەن اۋراتىنداردى ەمدەۋدى تولىعىمەن قامتۋعا بايلانىستى. جىل باسىنان بەرى ورتالىقتا 13 مىڭ پاسيەنت ەمدەلىپ شىقتى، بۇل وتكەن جىلمەن سالىستىرعاندا 3 مىڭعا دەيىن ارتقان دەگەن ءسوز»،- دەيدى دارىگەر.

بيىل ونكولوگيالىق اۋرۋعا شالدىققان 3317 پاسيەنت ەسەپكە الىندى. ستاتيستيكالىق دەرەكتەر بويىنشا، الماتى قالاسىندا سىرقاتتانۋشىلىق قۇرىلىمىندا ءبىرىنشى ورىندا ءسۇت بەزى وبىرى، ەكىنشى ورىندا كولورەكتالدى وبىر، ءۇشىنشى ورىندا وكپە وبىرى، ءتورتىنشى ورىندا اسقازاننىڭ قاتەرلى ىسىگى، بەسىنشى ورىندا انالىق بەزدىڭ قاتەرلى ىسىگى تۇر.

« 30 قاتەرلى ىسىگىنىڭ 5 نوزولوگياسى 55 پايىزى، ياعني جارتىسى ولىمگە اكەپ سوعادى. ونى تومەندەتۋ ءۇشىن، بارلىق دياگنوستيكالىق جانە ەمدەۋ شارالارىن مەگاپوليسىمىزدە قاتەرلى وسكىندەردەن ورىن الاتىن ءولىم-سالدارى رەيتينگى باسىندا تۇرعان 5 نوزولوگيانى ەمدەۋگە بەلسەندى تۇردە باعىتتاۋىمىز قاجەت»، - دەدى نۇرسۇلتان ىزباعامبەتوۆ.

سونىمەن قاتار، ول ورتالىققا ناۋقاستار ەلىمىزدىڭ بارلىق ايماعىنان كەلەتىنىن تىلگە تيەك ەتتى.

«بۇگىنگى كۇنى ەلىمىزدىڭ باسقا ايماقتارىنان كەلگەن 560 ونكلوگيالىق اۋرۋمەن اۋىراتىندار قايتا تىركەلدى، بۇل دەگەنىمىز، وتكەن جىلمەن قاراعاندا ەكى ەسەگە وسكەندىگىن كورسەتەدى. ولاردىڭ اراسىندا، وكىنىشكە وراي ءار 5ء-شى پاسيەنت اسقىنعان قاتەرلى ىسىكپەن مەديسينالىق كومەككە جۇگىنگەن»،- دەيدى دارىگەر.

مامان حالىقتى سكرينينگتىك تەكسەرۋدەن وتۋگە شاقىرادى.

«الماتى قالاسىنىڭ تۇرعىندارىن بەكىتىلگەن قالا ەمحانالارى بويىنشا تەگىن سكرينينگتەن وتۋگە شاقىرامىز. سكرينينگتەن ءوتۋ - بۇل سيمپتومسىز قاتەرلى ىسىك اۋرۋىن ەرتە كەزەڭدە انىقتاۋدىڭ ءتيىمدى ءادىسى. ويتكەنى ناۋقاسقا ەم نەعۇرلىم ەرتە تاعايىندالسا، تولىق ساۋىعۋ مۇمكىندىگى سوعۇرلىم جوعارى بولادى»، - دەپ اتاپ ءوتتى نۇرسۇلتان ىزباعامبەتوۆ.