سوتقا دەيىنگى تەرگەۋ امالدارى باستالدى.
الماتىدا ق ر ۇلتتىق قاۋىپسىزدىك كوميتەتى اكادەمياسىنىڭ كۋرسانتى قايتىس بولدى، دەپ حابارلايدى اlmaty-akshamy.kz.
ق ر ۇلتتىق قاۋىپسىزدىك كوميتەتىنىڭ حابارلاۋىنشا، كۋرسانت وز-وزىنە قول سالعان.
«2023 جىلدىڭ 30 ساۋىرىندە قازاقستان رەسپۋبليكاسى ۇلتتىق قاۋىپسىزدىك كوميتەتى اكادەمياسىنىڭ جاتاقحاناسىنان ءۇشىنشى كۋرس كۋرسانتىنىڭ ءمايىتى تابىلدى. ءولىم سەبەبى - سۋيسيد»، - دەلىنگەن ق ر ۇقك باسپا ءسوز قىزمەتى تاراتقان حابارلامادا.
الماتى قالاسى بوستاندىق اۋدانىنىڭ پوليسيا ءبولىمىنىڭ قىزمەتكەرلەرى ق ر قىلمىستىق كودەكسىنىڭ 105-بابىنىڭ 1-بولىگى (ءوزىن-وزى ولتىرۋگە يتەرمەلەۋ) بويىنشا سوتقا دەيىنگى تەرگەۋدى باستادى.
«مارقۇمنىڭ وتباسىنا قاجەتتى كومەك كورسەتىلۋدە»، - دەپ مالىمدەدى كوميتەتتەگىلەر.