مەملەكەت باسشىسى وزبەكستان پرەزيدەنتىن ەل تاۋەلسىزدىگىمەن قۇتتىقتادى
پرەزيدەنت قاسىم-جومارت توقايەۆ جەكە ءوزىنىڭ جانە بارشا قازاقستاندىقتاردىڭ اتىنان وزبەكستان پرەزيدەنتى شاۆكات ميرزيويەۆتى جانە وزبەك حالقىن ەل تاۋەلسىزدىگىنىڭ 30 جىلدىعىمەن قۇتتىقتادى، دەپ حابارلايدى almaty-akshamy.kz اقوردا سايتىنا سىلتەمە جاساپ.
«باۋىرلاس وزبەكستان بۇل ايتۋلى كۇنگە ۇلتتىق بىرتۇتاستىعىمەن، ەكونوميكالىق دامۋىنىڭ جوعارى قارقىنىمەن جانە الەمدىك قوعامداستىقتا لايىقتى بەدەلىمەن قۋاتتى ءارى وركەندەگەن مەملەكەت رەتىندە جەتىپ وتىر. وزبەك حالقى ءسىزدىڭ جاسامپازدىق ساياساتىڭىز بەن تابىستى جۇزەگە اسىپ جاتقان اۋقىمدى رەفورمالارىڭىزدى قولداي وتىرىپ، تۇراقتى دامۋ جولىن جالعاستىرا بەرەتىنىنە سەنىمدىمىن»، – دەپ جازىلعان مەملەكەت باسشىسىنىڭ جەدەلحاتىندا.
قاسىم-جومارت توقايەۆ ەكى ەل اراسىنداعى تاريحى تەرەڭ ستراتەگيالىق ىنتىماقتاستىققا جوعارى باعا بەردى. جەدەلحاتتا مەملەكەت باسشىسى ەكى ەل اراسىندا اتقارىلىپ جاتقان جۇمىس ەكىجاقتى دەڭگەيدە دە، ايماقتىق جانە حالىقارالىق ىنتىماقتاستىق اياسىندا دا قازاقستان مەن وزبەكستاننىڭ ءوزارا ءىس-قيمىلىنداعى زور الەۋەتتى تولىق ىسكە اسىرۋ ءۇشىن قىزمەت ەتەتىنىنە سەنىم بىلدىرەتىنىن ايتقان.
قاسىم-جومارت توقايەۆ شاۆكات ميرزيويەۆكە جاۋاپتى مەملەكەتتىك قىزمەتتە تابىس، باۋىرلاس وزبەكستان حالقىنا وركەندەۋ مەن ورلەۋ تىلەدى.