مەملەكەت باسشىسى جيىندا «C5 + گەرمانيا» ديالوگى تۋرالى باستاما ەلدەر اراسىنداعى ىنتىماقتاستىققا تىڭ سەرپىن بەرەتىنىن اتاپ ءوتتى.
قاسىم-جومارت توقايەۆ ايماق مەملەكەتتەرى كوشباسشىلارىنىڭ بىرلەسكەن كۇش-جىگەرىن جۇمىلدىرۋعا بولاتىن ىقپالداستىقتىڭ باسىم باعىتتارىن ۇسىندى. پرەزيدەنت، ەڭ الدىمەن، ساۋدا-ەكونوميكالىق قارىم-قاتىناس، جاڭا كولىك-ترانزيت دالىزدەرىن دامىتۋ، ەنەرگەتيكا سالاسىنداعى كووپەراسيا ماسەلەلەرىنە نازار اۋداردى، دەپ حابارلايدى اlmaty-akshamy.kz.
كەزدەسۋ بارىسىندا كليماتتىڭ وزگەرۋىنە جانە سۋ تاپشىلىعى پروبلەماسىنا باسا ءمان بەرىلدى. جيىنعا قاتىسۋشىلار مۇزدىقتاردىڭ ەرۋىنە جانە ورتالىق ازياداعى ەكولوگيالىق احۋالدىڭ وزگەرۋىنە بايلانىستى ماسەلەلەردى تالقىلادى. قازاقستان پرەزيدەنتىنىڭ پىكىرىنشە، گەرمانيانىڭ اتالعان پروبلەمالاردى شەشۋدەگى تاجىريبەسى ايماق ءۇشىن اسا ماڭىزدى.
مەملەكەتتەر باسشىلارى ورتالىق ازيا ءوڭىرى مەن ەۋروپا وداعى توڭىرەگىندەگى گەوساياسي جاعدايعا قاتىستى ماسەلەلەردى دە قوزعادى. سونىمەن قاتار اۋعانستانداعى قازىرگى جاعداي قاراستىرىلدى.