الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسى ازاماتتاردىڭ كاسىپكەرلىك باستاماسىنا قولداۋ شارالارىن كورسەتىپ كەلەدى. بۇل تۋرالى وكق بريفينگىنە قاتىسقان باسقارما باسشىسى باۋىرجان جاۋباسوۆ مالىمدەدى، دەپ حابارلايدى almaty-akshamy.kz
«كاسىپكەرلىكتى دامىتۋدىڭ 2021-2025 جىلدارعا ارنالعان ۇلتتىق جوباسى شەڭبەرىندە حالىقتىڭ الەۋمەتتىك وسال توپتارى ءۇشىن جاڭا بيزنەس-يدەيالاردى ىسكە اسىرۋعا 400 اەك (1،380 ملن.تەڭگە) مولشەرىندە وتەۋسىز مەملەكەتتىك گرانتتار بەرىلەدى. مەملەكەت باسشىسىنىڭ «ءادىل مەملەكەت. ءبىرتۇتاس ۇلت. بەرەكەلى قوعام» اتتا جولداۋىندا ايتىلعانداي، جاستاردى جەڭىلدەتىلگەن نەسيەلەرمەن قامتاماسىز ەتۋ ءۇشىن اگروكرەديتتىك كورپوراسيامەن بىرلەسىپ جاستاردى جىلدىق پايىزى 2،5% - بەن شاعىن نەسيەلەندىرۋ جوباسى ىسكە اسىرىلۋدا»، - دەپ ءبولىستى ب.جاۋباسوۆ.
ميكروكرەديت بەرۋ 21 جاستان 35 جاسقا دەيىنگى جاس كاسىپكەرلەردى قولداۋعا باعىتتالعان، ولاردى ءوتىنىم بەرۋ ساتىندە دارا كاسىپكەر رەتىندە تىركەۋ مەرزىمى 5 جىلدان اسپايدى. باعدارلاماعا جۇمىس ىستەيتىن جاستاردىڭ وكىلدەرى دە قاتىسا الادى.
نەسيەلەۋ شارتتارى:
- قارىز سوماسى: 5 ملن. تەڭگەگە دەيىن؛
- سىياقى مولشەرلەمەسى: جىلدىق 2،5% ؛
- قارىز مەرزىمى: مال شارۋاشىلىعىن دامىتۋ ءۇشىن -7 جىلعا دەيىن، بيزنەستىڭ باسقا باعىتتارى ءۇشىن-5 جىلعا دەيىن.
ميكروكرەديت مەرزىمىنىڭ ۇزاقتىعىنىڭ ۇشتەن بىرىنە دەيىنگى نەگىزگى بورىش پەن سىياقىنى وتەۋ بويىنشا جەڭىلدىكتى كەزەڭ كوزدەلگەن. كەپىلمەن قامتاماسىز ەتۋدىڭ بولۋى مىندەتتى شارت بولىپ تابىلادى. كەپىل رەتىندە جىلجىمالى (مامانداندىرىلعان تەحنيكا) جانە جىلجىمايتىن مۇلىك قابىلدانادى. كەپىلمەن قامتاماسىز ەتۋ بولماعان جاعدايدا كەپىل بەرۋشىنى (اتا-انالارىن، تۋىستارىن جانە ت.ب.) تارتۋعا بولادى.
ءوتىنىم بەرۋ ءۇشىن ساتبايەۆ كوشەسى، 5 مەكەنجايى بويىنشا «اگرارلىق نەسيە كورپوراسياسى» اق فيليالىنا قۇجاتتاردى تاپسىرۋ قاجەت (agrocredit.kz). قازىرگى ۋاقىتتا 52 ادامنىڭ ءوتىنىمى راسىمدەلدى.