ول «سپۋتنيك-V» ۆاكسيناسىنىڭ قۇرامىندا بار جانە بۇل قۇپيا ەمەس.
Telegram مەسسەندجەرىندە پايدالانۋشىلار COVID-19-عا قارسى «سپۋتنيك-V» ۆاكسيناسىندا برونحيت بەلگىلەرىن تۋدىراتىن ءقاۋىپتى زات بار دەپ جازدى، دەپ حابارلايدى Almaty-akshamy.kz
بۇل ۆاكسينالاردىڭ كومەگىمەن ادامداردى ادەيى ۋلاپ، پرەپاراتتىڭ جاناما اسەرلەرىن COVID-19 جۇقتىرۋدىڭ بەلگىسى دەپ ايتىلاتىنىن دالەلدەيدى ەكەن.
Stopfake.kzء-تىڭ جازۋىنشا، بۇل جالعان.
تارالعان روليكتە ەدتا نەمەسە ەتيلەنديامينتەتراسەت قىشقىلى دەپ اتالاتىن زات تۋرالى ايتىلعان. ول «سپۋتنيك-V» ۆاكسيناسىنىڭ قۇرامىندا بار جانە بۇل قۇپيا ەمەس.
ەدتا – بۇل فارماسيەۆتيكادا عانا ەمەس، جەڭىل ونەركاسىپتە دە قولدانىلاتىن ادامعا زيانسىز زات. مىسالى، ول كوپتەگەن سۋسابىندار مەن كوسمەتيكالىق ونىمدەردىڭ قۇرامىنا كىرەدى. بۇل قىشقىل ءونىمنىڭ قاۋىپسىزدىگىن جانە ونىڭ ءتۇرىن قامتاماسىز ەتۋ ءۇشىن قاجەت. سۋسابىنداردىڭ قۇرامىندا ەدتا سۋدىڭ قاتتىلىعىنا قارسى ارەكەت ەتىپ، سۋسابىندى پايدالانعان كەزەڭدە ونىڭ قاسيەتتەرىن وزگەرتۋگە مۇمكىندىك بەرەدى.
مەديسينادا ەدتا راديواكتيۆتى مەتالداردى اعزادان شىعارۋ، قاندى ساقتاۋ جانە تاعى باسقالار ءۇشىن قولدانىلادى.
ۆاكسينالاردا ەدتا ۆاكسينانىڭ نەگىزگى بەلسەندى كومپونەنتى بولىپ تابىلاتىن ادەنوۆيرۋستىق ۆەكتورعا بەكىتىلگەن SARS-CoV-2 كوروناۆيرۋس اقۋىزىن ساقتاۋ ءۇشىن قولدانىلادى.
ەدتا-نىڭ ۋىتتىلىعى تومەن جانە مەديسينا مەن جەڭىل ونەركاسىپتە قولدانىلاتىن شاعىن دوزالاردا ادامعا ەشقانداي اسەر ەتپەيتىنى عىلىمي دالەلدەنگەن. سونداي-اق، ەدتا تەرىگە اسەر ەتكەندە نەمەسە ىشكەندە برونحيت بەلگىلەرىن تۋدىراتىنىنا عىلىمي دالەلدەر جوق.
ولاي بولسا، تارالعان حابارلاما جالعان. COVID-19 قارسى ۆاكسينالاردا برونحيت تۋدىراتىن زاتتار جوق. پرەپاراتتى وندىرۋشىلەر ءوز ءونىمىن جاساۋ كەزىندە ادامداردى ۋلاۋدى كوزدەمەگەن.