ورنىقتى دامۋدىڭ ەڭ باستى كەپىلى - تۇراقتىلىق. بۇل تۋرالى قازاقستان حالقى اسسامبلەياسىنىڭ «ەل بىرلىگى – جاڭارعان قازاقستاننىڭ تىرەگى» اتتى ءحححى سەسسياسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى اlmaty-akshamy.kz.
«ءسوز سويلەگەندەر بىزدەگى ساياسي وزگەرىستەر حالقىمىزدى ۇيىستىرىپ، ازاماتتارىمىزدىڭ ءبىرتۇتاستىعىنا جاڭا سەرپىن بەرگەنىن ايتتى. بۇل - زاڭدى قۇبىلىس. سەبەبى وسى وزگەرىستەر دەموكراتيالىق قۇندىلىقتاردى نىعايتۋعا باعىتتالعان. سونداي-اق جاڭا ساياسي مادەنيەت قالىپتاستىرۋدى كوزدەيدى. ازاماتتاردى بەلسەندى ءارى جاسامپاز بولۋعا شاقىرادى. دەگەنمەن، ءبىز مىنا نارسەنى ۇمىتپاۋىمىز كەرەك. ورنىقتى دامۋدىڭ ەڭ باستى كەپىلى - تۇراقتىلىق. بۇل تۇجىرىم اسسامبلەيادا تالاي رەت ايتىلدى. ونىڭ دۇرىستىعىن قازىرگى تاريحىمىز دالەلدەپ وتىر»، - دەپ اتاپ ءوتتى مەملەكەت باسشىسى.