«بىرلىگىمىز – ءارالۋاندىقتا» دەگەن باستى قاعيداتىمىز ەشقاشان وزگەرمەيدى. بۇل تۋرالى قازاقستان حالقى اسسامبلەياسىنىڭ كەزەكتى وتىز ءبىرىنشى سەسسياسىندا پرەزيدەنت قاسىم-جومارت توقايەۆ ءمالىم ەتتى، دەپ حابارلايدى اlmaty-akshamy.kz.
«ءقازىر گەوساياسي احۋال ۋشىعىپ تۇر. جاڭا سىن-قاتەرلەر پايدا بولۋدا. مۇنداي جاعدايدا ەلىمىزدىڭ ازاماتتىق بىرەگەيلىگىن نىعايتىپ، وتانشىلدىق رۋحىن كوتەرۋگە باسا ءمان بەرۋىمىز كەرەك. «بىرلىگىمىز – ءارالۋاندىقتا» دەگەن باستى قاعيداتىمىز ەشقاشان وزگەرمەيدى. ءبىز جاس ۇرپاقتى ناعىز وتانشىل ازامات ەتىپ تاربيەلەۋىمىز كەرەك. ولاردىڭ بويىنا تاتۋلىق پەن كەلىسىم، توزىمدىلىك، تولەرانتتىلىق پەن مادەني ىقپالداستىق قۇندىلىقتارىن ءسىڭىرۋ ايرىقشا ماڭىزدى»، - دەدى پرەزيدەنت.
سونىمەن قاتار، مەملەكەت باسشىسى ساياسي جانە قوعامدىق پليۋراليزم راديكالدى فورمالارعا باعىت الۋىنا جول بەرمەۋ كەرەك ەكەنىن اتاپ ءوتتى.
وسى ورايدا قاسىم-جومات توقايەۆ قانداي دا ءبىر ازاماتتاردى كەمسىتۋدى، ار-نامىسى مەن ابىرويىن قورلاۋ جاعدايلارىن قوعام قابىلداماۋى كەرەك ەكەنىن قاداپ ايتتى.