ق ر پرەزيدەنتى قاسىم-جومارت توقايەۆ ەلدى جاڭعىرتۋ ىسىنە اسسامبلەيانىڭ عىلىمي-ساراپشىلىق الەۋەتىن تولىعىمەن جۇمىلدىرۋ قاجەتتىگىن ايتتى، دەپ حابارلايدى اlmaty-akshamy.kz.
«حالىقتىڭ بىرلىگىن نىعايتۋمەن كەشەندى تۇردە اينالىسىپ، ەلىمىزدەگى احۋالدى تۇراقسىزداندىرۋ تالپىنىستارىن دەر كەزىندە بەيتاراپتاندىرۋ قاجەت. بۇل سالاداعى قاتەلىكتەر وتە قىمباتقا تۇسەتىنىن، بۇعان دەيىنگى جەتىستىكتەرىمىزدىڭ ءبارىن جوققا تەڭەۋى مۇمكىن ەكەنىن ءتۇسىنۋ ماڭىزدى»، - دەدى پرەزيدەنت قازاقستان حالقى اسسامبلەياسىنىڭ ءحححى سەسسياسىندا.
مەملەكەت باسشىسى اسسامبلەيانىڭ عىلىمي-ساراپشىلىق الەۋەتىنە دە توقتالدى.
«ەلىمىزدى جاڭعىرتۋ ىسىنە اسسامبلەيانىڭ عىلىمي-ساراپشىلىق الەۋەتىن تولىعىمەن جۇمىلدىرعان ءجون. ەتنوسارالىق سالاداعى بۇكىل پروبلەمالىق ماسەلەلەر مەن وزەكتى تەندەنسيالار جاريا تۇردە تەرەڭ زەرتتەلىپ، تالقىلانۋى كەرەك. ءبىز بىرلىگىمىزگە نەنىڭ ءقاۋىپ ءتوندىرىپ تۇرعانىن ايقىن ءتۇسىنىپ، اشىق ايتۋعا مىندەتتىمىز. ونىڭ وزىندە ەتنوسارالىق سالاعا تەك اسسامبلەيانىڭ قىزمەتى عانا كىرمەيتىنىن، الەۋمەتتىك بلوكقا جاتاتىن مينيسترلىكتەردىڭ، اكىمدىكتەردىڭ، جالپى ۇكىمەتتىڭ قىزمەتى دە كىرەتىنىن ايقىن ايتۋىمىز كەرەك»، - دەدى قاسىم-جومارت توقايەۆ.