قاسىم-جومارت توقايەۆ جاڭادان سايلانعان تۇرىكمەنستان پرەزيدەنتىن سايلاۋداعى جەڭىسىمەن قۇتتىقتادى

مەملەكەت باسشىسى قاسىم-جومارت توقايەۆ سەردار بەردىمۇحامەدوۆتى پرەزيدەنت سايلاۋىنداعى جەڭىسىمەن قۇتتىقتاپ، تۇرىكمەنستاننىڭ يگىلىگى مەن وركەندەۋى جولىنداعى ونىڭ اسا جاۋاپتى مەملەكەتتىك قىزمەتىنە مول تابىس تىلەدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ. 

تاراپتار ەكى ەل حالىقتارىنىڭ اراسىنداعى كوپ عاسىرلىق دوستىققا، تاتۋ كورشىلىك پەن ءوزارا قولداۋعا نەگىزدەلگەن بايلانىستاردى جالعاستىرا وتىرىپ، قازاقستان مەن تۇرىكمەنستاننىڭ ستراتەگيالىق ىنتىماقتاستىعىن ودان ءارى نىعايتۋعا مۇددەلى ەكەنىن راستادى.

قازاقستان پرەزيدەنتى تۇرىكمەنستان باسشىلىعىنىڭ قۋاتتى ءارى وركەندەگەن مەملەكەت قۇرۋ جونىندەگى ستراتەگيالىق باعدارىنىڭ ساباقتاسا جالعاساتىنىنا سەنىم ءبىلدىردى.

قاسىم-جومارت توقايەۆ سەردار بەردىمۇحامەدوۆتى ەلىمىزگە مەملەكەتتىك ساپارمەن كەلۋگە شاقىردى.

اڭگىمەلەسۋ بارىسىندا مەملەكەت باسشىسى قاسىم-جومارت توقايەۆ گۋربانگۋلى بەردىمۇحامەدوۆتى دە سايلاۋدىڭ ءساتتى وتۋىمەن قۇتتىقتاپ، داۋىس بەرۋشىلەردىڭ ءىس-شاراعا بەلسەندى قاتىسقانىن ايتتى.  

قاسىم-جومارت توقايەۆ پرەزيدەنت گۋربانگۋلى بەردىمۇحامەدوۆتىڭ باۋىرلاس ەكى ەل اراسىنداعى دوستىقتى، تاتۋ كورشىلىكتى جانە ءوزارا ءتيىمدى ىنتىماقتاستىقتى نىعايتۋعا قوسقان جەكە ۇلەسىن ەرەكشە اتاپ ءوتتى.

سونداي-اق گۋربانگۋلى بەردىمۇحامەدوۆتىڭ ساياسي ءارى ومىرلىك مول تاجىريبەسى تۇرىكمەنستاندا جانە ودان تىس جەرلەردە كەڭىنەن سۇرانىسقا يە بولا بەرەتىنىنە سەنىم ءبىلدىردى.