قازاقستان مەن ازەربايجان پرەزيدەنتتەرى تەلەفون ارقىلى سويلەستى
قاسىم-جومارت توقايەۆ يلحام الييەۆتى ازەربايجان رەسپۋبليكاسىنىڭ پرەزيدەنتى لاۋازىمىنا كەزەكتەن تىس وتكەن سايلاۋداعى ايقىن جەڭىسىمەن قۇتتىقتادى، دەپ حابارلايدى almaty-akshamy.kz
مەملەكەت باسشىسى سايلاۋداعى داۋىس بەرۋ قورىتىندىسى يلحام الييەۆتىڭ ازەربايجاندى ودان ءارى نىعايتۋعا، ەلدىڭ الەۋمەتتىك-ەكونوميكالىق ءال-اۋقاتىن قامتاماسىز ەتۋگە جانە مەملەكەتتىڭ حالىقارالىق ارەناداعى بەدەلىن ارتتىرۋعا باعىتتالعان ستراتەگيالىق باعدارى مەن اۋقىمدى رەفورمالارى بۇكىلحالىقتىق قولداۋعا يە بولعانىن انىق كورسەتكەنىن اتاپ ءوتتى.
قاسىم-جومارت توقايەۆ يلحام الييەۆتىڭ ازەربايجان حالقىنىڭ يگىلىگى مەن دامۋى ءۇشىن قولعا العان بارلىق جوسپارىنىڭ تابىستى ورىندالۋىنا تىلەكتەستىك ءبىلدىردى.
ءوز كەزەگىندە ازەربايجان پرەزيدەنتى قۇتتىقتاعانى ءۇشىن قاسىم-جومارت توقايەۆقا العىس ايتىپ، باۋىرلاس قازاقستانمەن اراداعى عاسىرلار بويى قالىپتاسقان دوستىق، ستراتەگيالىق سەرىكتەستىك جانە وداقتاستىق رۋحىنداعى ىنتىماقتاستىقتى ودان ءارى تەرەڭدەتە بەرۋگە نيەتتى ەكەنىن راستادى.