پيتەر ماۋرەر ءوزىنىڭ قىزمەتىن جوعارى باعالاعانى ءۇشىن قازاقستان پرەزيدەنتىنە العىس ايتتى
مەملەكەت باسشىسى بۇۇ باس اسسامبلەياسى 77-سەسسياسىنىڭ اياسىندا حالىقارالىق قىزىل كرەست كوميتەتىنىڭ پرەزيدەنتى پيتەر ماۋرەرمەن كەزدەسۋ وتكىزدى، دەپ حابارلايدى Almaty-akshamy.kz بورت №1 تەلەگرام-ارناسىنا سىلتەمە جاساپ.
جۇزدەسۋدە قازاقستان مەن حالىقارالىق قىزىل كرەست كوميتەتى اراسىنداعى ىنتىماقتاستىقتى نىعايتۋ پەرسپەكتيۆالارى قاراستىرىلدى. سونداي-اق حالىقارالىق جانە وڭىرلىك كۇن تارتىبىندەگى وزەكتى ماسەلەلەر، سونىڭ ىشىندە اۋعانستانداعى گۋمانيتارلىق جاعداي تالقىلاندى.
قاسىم-جومارت توقايەۆ قىزمەتىنەن كەتىپ جاتقان پيتەر ماۋرەرگە ۇيىمدى باسقارعان سوڭعى ون جىلدا تابىستى جۇمىسى مەن ءبىزدىڭ ەلىمىزبەن ىنتىماقتاستىقتى نىعايتۋعا قوسقان ۇلەسى ءۇشىن ريزاشىلىق ءبىلدىردى.
پيتەر ماۋرەر ءوزىنىڭ قىزمەتىن جوعارى باعالاعانى ءۇشىن قازاقستان پرەزيدەنتىنە العىس ايتتى.
حالىقارالىق ۇيىم ءتوراعاسى قاسىم-جومارت توقايەۆ باسشىلىعىمەن ەلدە جۇزەگە اسىرىلىپ جاتقان اۋقىمدى رەفورمالاردىڭ ماڭىزدىلىعىن جانە حالىقارالىق قىزىل كرەست كوميتەتىمەن ىنتىماقتاستىقتى دامىتۋعا قوسقان ۇلەسىن اتاپ ءوتتى.