تەڭىزگە قاراي 40 شاقىرىم
اتىراۋ وبلىسىندا كاسپيي تەڭىزىنىڭ جاعالاۋىندا تۇتانعان قامىس ءورتى ءبىر اپتادان بەرى سونبەي تۇر. ءقازىر قامىس ورتىنەن ەلدى مەكەندەرگە ءقاۋىپ تۇرعان جوق، دەپ حابارلايدى Almaty-akshamy.kz قازاقپارات-قا سىلتەمە جاساپ.
وبلىستىق توتەنشە جاعدايلار دەپارتامەنتىنىڭ قوعاممەن بايلانىس توبىنان ءمالىم ەتكەندەي، تەڭىز جاعالاۋىنداعى قامىس ءورتى 14 قىركۇيەكتە ساعات 20:40 شاماسىندا باستالعان.
«بۇگىن 20 قىركۇيەكتە جەرگىلىكتى ۋاقىتپەن ساعات 08:57-دە قامىس ءورتىنىڭ ءالى ورتەنىپ جاتقانى تىركەلدى. وت اتىراۋ قالاسىنىڭ ماڭىنداعى كەڭوزەك اۋىلدىق وكرۋگىنە قارايتىن العاباس اۋىلىنان كاسپيي تەڭىزىنە قاراي 40 شاقىرىم قاشىقتىقتا جانىپ جاتىر. قامىس ورتىنەن ەلدى مەكەندەرگە ءتونىپ تۇرعان ءقاۋىپ تە، ودان زارداپ شەككەندەر دە جوق. ءورتتىڭ اۋماعى انىقتالىپ جاتىر»، - حابارلادى دەپارتامەنتتىڭ قوعاممەن بايلانىس توبى.
كاسپيي تەڭىزىنىڭ جاعالاۋىنداعى قامىس ءورتىنىڭ ەلدى مەكەندەرگە تارالۋىن بولدىرماۋ ءۇشىن اتىراۋ وبلىستىق توتەنشە جاعدايلار دەپارتامەنتىنىڭ 25 قىزمەتكەرى مەن 6 تەحنيكاسى جۇمىلدىرىلعان.
بۇدان بۇرىن اتىراۋ قالاسىنان 30 شاقىرىم جەردە 6 گەكتار قامىس جانعان. كەيىن توتەنشە جاعدايلار دەپارتامەنتى قامىس ءورتىن سوندىرۋگە تەڭىز جاعالاۋىنداعى باتپاق كەدەرگى بولىپ تۇرعانىن ءمالىم ەتتى.
بۇدان سوڭ قامىس ءورتى 16 گەكتارعا جەتىپ، ءتۇتىننىڭ ءيىسى اتىراۋدا سەزىلدى .