قاسىم-جومارت توقايەۆ Kaspi.kz كومپانياسىنىڭ نەگىزىن قالاۋشىلار ۆياچەسلاۆ كيم مەن ميحايل لومتادزەنى قابىلدادى، دەپ حابارلايدى aqshamnews.kz
پرەزيدەنت قاسىم-جومارت توقايەۆ Kaspi.kz كومپانياسىنىڭ قىزمەتى تۋرالى جانە شاعىن جانە ورتا بيزنەستى دامىتۋعا ارنالعان جاڭا سەرۆيستى قۇرۋ جوسپارى جايلى مالىمەت الدى.
ۇسىنىلعان اقپاراتقا سايكەس، بۇگىنگى تاڭدا 700 مىڭعا جۋىق وتاندىق كاسىپكەر ءوز بيزنەسىن Kaspi.kz تەحنولوگيالارىنىڭ كومەگىمەن دامىتىپ جاتىر. بيىلعى ءبىرىنشى جارتىجىلدىقتا تاۋارلار مەن قىزمەتتەر ءۇشىن 12 تريلليون تەڭگە كولەمىندە قولما-قول اقشاسىز تولەم جاسالىپ، 150 مىڭ جەكە كاسىپكەر تىركەلگەن.
مەملەكەتتىك ورگاندارمەن بىرلەسىپ ازىرلەنگەن ونلاين-سەرۆيستەردىڭ ارقاسىندا قازاقستاندىقتار سالىقتاردى ۋاقىتىندا تولەۋ مۇمكىندىگىنە يە بولدى. 2024 جىلدىڭ العاشقى التى ايىندا وسى قىزمەتتەر ارقىلى بيۋدجەتكە 1،1 تريلليون تەڭگەدەن استام سالىقتار مەن باسقا دا تولەمدەر تۇسكەن.
قاسىم-جومارت توقايەۆ ەلىمىزدەگى شاعىن جانە ورتا كاسىپكەرلىكتى دامىتۋ ماڭىزدى ەكەنىن اتاپ ءوتىپ، Kaspi.kz اكسيونەرلەرىنە قولداۋ ءبىلدىردى.