19-25 تامىز ارالىعىندا بالالار جاراقاتىنىڭ الدىن الۋعا، سونداي-اق جول-كولىك وقيعالارىنىڭ ءوسۋىن ازايتۋعا باعىتتالعان “ءقاۋىپسىز جول” رەسپۋبليكالىق جەدەل الدىن الۋ ءىس-شاراسى وتۋدە.
بۇگىندە الماتىدا 215 مەملەكەتتىك ءبىلىم بەرۋ مەكەمەسى بار، دەپ حابارلايدى aqshamnews.kz Polisia.kz-كە سىلتەمە جاساپ.
"بۇل كەزەڭدە جول جەلىسىن زەرتتەۋ جۇرگىزىلدى. جول قوزعالىسىنا قاتىسۋشىلاردىڭ نازارىن اۋدارۋ ءۇشىن 150 جول بەلگىلەرى اۋىستىرىلدى جانە ورناتىلدى، 1 مىڭ 618 جول بەلگىلەرىنە قىزمەت كورسەتىلدى. 207 رەتتەلمەيتىن جاياۋ جۇرگىنشىلەر وتكەلدەرى مەن جەكە جوبالانعان پاننولار LED-جارىقتاندىرۋمەن جابدىقتالعان. بالالاردىڭ قاۋىپسىزدىگىن قامتاماسىز ەتۋ جانە بالالاردىڭ جاراقاتتانۋىن بولدىرماۋ ءۇشىن 101ء-شى ءبىلىم بەرۋ مەكەمەسىنىڭ اۋدانىندا تەمىر قورشاۋلار ورناتىلدى"، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
بايانداماشىنىڭ ايتۋىنشا، بيىلعى جىلى 16 باعدارشامنىڭ جانە شاقىرۋ تۇيمەسى بار، باسقارىلاتىن 25 جاياۋ جۇرگىنشىلەر وتكەلىنىڭ قۇرىلىسى اياقتالدى، ونىڭ 6-ى مەكتەپ اۋماعىندا ورنالاسقان. “Vision Zero” تۇجىرىمداماسىن ىسكە اسىرۋ ءۇشىن كەشەندى شارالار قولدانىلۋدا. ونىڭ نەگىزگى ماقساتى – جولداردا، وقۋ ورىندارىنىڭ اۋماقتارىندا، ادام كوپ شوعىرلاناتىن جەرلەردە، سونداي-اق توتەنشە جاعدايلار ايماقتارىندا ءولىم-جىتىم دەڭگەيىن تومەندەتۋ، جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ. ماسەلەن، كوشەنى ورتاشا جوندەۋ اياسىندا 20-دان استام جاساندى دوڭەس پەن 10 مىس ورناتىلدى.
"اتا-انالار شەتتە قالماسا، بارلىق جوسپارلانعان ءىس-شارالار بارىنشا پايدا اكەلۋى مۇمكىن. بالانىڭ ءومىرى مەن دەنساۋلىعىن باعالايتىن ءاربىر ادام ۋاقىت تاۋىپ، وقۋ جىلى باستالعانعا دەيىن ونىمەن بىرگە ۇيدەن مەكتەپكە دەيىن ءجۇرۋى، ءقاۋىپسىز جولدى تاڭداۋى جانە كورسەتۋى قاجەت، جولدان، قيىلىستان قالاي ءوتۋ كەرەكتىگىن ايتۋى كەرەك"، – دەدى، اسحات قۇلبايەۆ.