ق ر پرەزيدەنتى قاسىم-جومارت توقايەۆ حالىقتىڭ بويىندا قانداي قاسيەتتىڭ بولۋى كەرەكتىگىن ايتتى، دەپ حابارلايدى اlmaty-akshamy.kz
ق ر پرەزيدەنتى قاسىم-جومارت توقايەۆ Qazaqstan ۇلتتىق تەلەارناسىنا بەرگەن سۇحبات بارىسىندا «جۇرتىمىزدىڭ قانداي جاقسى قاسيەتتەردى بويعا سىڭىرگەنىن قالار ەدىڭىز؟» دەگەن ساۋال قويىلدى.
«بۇل تۋرالى مەن جاڭا دا ايتتىم. دەگەنمەن، بۇل – وتە ماڭىزدى ماسەلە، سوندىقتان قايتالاپ ايتايىن. ءبىز قوعامدا ەڭبەكقورلىق يدەياسىن ورنىقتىرۋىمىز كەرەك. تۋراسىن ايتايىق، بۇل ءقازىر ەڭ وزەكتى ماسەلە بولىپ تۇر. ازاماتتارىمىز ادال ەڭبەكپەن تابىس تابۋدى ەڭ باستى ورىنعا قويۋى قاجەت. باقۋاتتى ەل بولۋ بيلىكتىڭ جۇمىسىنا عانا ەمەس، ول، ەڭ الدىمەن، ءاربىر ازاماتتىڭ ەڭبەگىنە بايلانىستى. ەلدىڭ تۇرمىسىن قۇرعاق سوزبەن ەمەس، ناقتى ىسپەن كوتەرۋ كەرەك. ءبىزدىڭ جاستارىمىز وسىنى ايقىن ۇعىنسا دەيمىن»، - دەپ جاۋاپ بەردى ق.توقايەۆ.
مەملەكەت باسشىسىنىڭ ايتۋىنشا، ەلدەگى بەلگىلى تەرىس فاكتورلارعا قاراماستان، ءتيىمدى، پايدالى جۇمىس اتقاراتىن مۇمكىندىكتەر از ەمەس.
«جاقسى مەن جامان تۋرالى ۇلى ابايدان اسىرىپ ەشكىم ايتا الماس. سونداي-اق ويشىل اقىننىڭ «تالاپ، ەڭبەك، تەرەڭ وي، قاناعات جانە راقىم» دەگەن دانالىعىنىڭ دا ءمانى زور. بۇل قاعيدا بىزگە، اسىرەسە، وسى زاماندا اۋاداي قاجەت»، - دەدى پرەزيدەنت.