پرەزيدەنت حالىقتى العىس ايتۋ كۇنىمەن قۇتتىقتادى
مەملەكەت باسشىسى قاسىم-جومارت توقايەۆتىڭ قازاقستاندىقتاردى العىس ايتۋ كۇنىمەن قۇتتىقتادى، دەپ حابارلايدى اقوردا. Almaty-akshamy.kz قۇتتىقتاۋدىڭ تولىق ءماتىنىن جاريالايدى.
قۇرمەتتى وتانداستار!
سىزدەردى العىس ايتۋ كۇنىمەن شىن جۇرەكتەن قۇتتىقتايمىن!
بۇل مەرەكەدە ۇلتىمىزدىڭ سالت-ساناسىندا بەرىك قالىپتاسقان دوستىق، قايىرىمدىلىق جانە ىنتىماق سىندى مىزعىماس قۇندىلىقتار كەڭىنەن دارىپتەلەدى.
العىس ايتۋ كۇنى قيىن-قىستاۋ زامانداردا دا مەيىرىمدىلىك پەن جاناشىرلىق تانىتا بىلگەن ءارى بىرلىگىن بەكەم ەتكەن حالقىمىزدىڭ ىزگى قاسيەتتەرىن جادىمىزدا جاڭعىرتادى.
بۇرىن-سوڭدى بولماعان جاھاندىق سىن-قاتەرلەر جانە ەلىمىزدەگى اۋقىمدى وزگەرىستەر كەزەڭىندە ءاربىر ازاماتتىڭ ەل بولاشاعى ءۇشىن جاۋاپكەرشىلىك تانىتۋى جانە ءوزارا قولداۋ كورسەتۋى اسا ماڭىزدى.
بۇگىنگى مەيرامدا ادال ەڭبەگى، جاسامپازدىعى مەن وتانشىلدىعى ءۇشىن بارشا حالقىمىزعا شىنايى ريزاشىلىعىمدى بىلدىرەمىن.
ءبىز ەلىمىزدىڭ اۋىزبىرشىلىگىن ساقتاي بىلسەك، كەز كەلگەن قيىندىقتى ەڭسەرەمىز. ادىلەتتى قازاقستاندى قۇرىپ، ەلىمىزدى ودان ءارى وركەندەتە بەرەمىز دەپ سەنەمىن.
بارشاڭىزعا زور دەنساۋلىق، باق-بەرەكە جانە تولاعاي تابىس تىلەيمىن!