ەل حالقىنىڭ قانشا پايىزى اۋىلدا تۇرادى - ستاتيستيكا

اۋىل تۇرعىندارىنىڭ سانى جاعىنان تۇركىستان وبلىسى الدا

قازىرگى ۋاقىتتا ەلىمىزدىڭ اۋىلدارىندا 7،5 ميلليوننان استام ادام نەمەسە ەل حالقىنىڭ 38،2%-ى تۇرادى، دەپ حابارلايدى Almaty-akshamy.kz ۇلتتىق ستاتيستيكا بيۋروسىنىڭ مالىمەتتەرىنە سىلتەمە جاساپ.

بيۋرو تاراتقان دەرەكتەرگە قاراعاندا، ۋربانيزاسيا قارقىنىنا بايلانىستى سوڭعى جىلدارى اۋىل حالقىنىڭ ۇلەسى ازايىپ كەلەدى. ەگەر 2022 جىلدىڭ باسىندا اۋىلدارداعى حالىق سانى 7 728 176 ادامدى قۇراسا، 2023 جىلدىڭ باسىندا بۇل كورسەتكىش 7 556 745 بولدى. ونىڭ ىشىندە 3 832 903 – ەرلەر، 3 723 842-ايەلدەر.

اۋىل تۇرعىندارىنىڭ سانى جاعىنان تۇركىستان وبلىسى الدا، ونداعى اۋىلدىقتار سانى – 1 599 909 ادام. ەكىنشى ورىندا الماتى وبلىسى – 1 262 161 ادام، ءۇشىنشى ورىندا جامبىل وبلىسى – 691 179 ادام. ودان كەيىن قىزىلوردا وبلىسى – 442 423 جانە ماڭعىستاۋ وبلىسى – 420 052.

اۋىل تۇرعىندارىنىڭ سانى ۇلىتاۋ وبلىسىندا ەڭ از، وندا وبلىس حالقىنىڭ 21%، ياعني 46 328 ادام تۇرادى.

وبلىس حالقىنىڭ جالپى ۇلەسىندە اۋىلدىقتار سانى باسىم 7 ءوڭىر بار. ولار: الماتى، جامبىل، قىزىلوردا، ماڭعىستاۋ، سولتۇستىك قازاقستان، تۇركىستان جانە جەتىسۋ وبلىستارى.