«عىلىم، تەحنولوگيا جانە يننوۆاسيا: جاڭا بەلەستەرگە جول اشۋ» اتتى تاقىرىپ بويىنشا وتەتىن ۆيرتۋالدى سامميتكە بىرىككەن اراب امىرلىكتەرى ءتوراعالىق ەتەدى.
بۇگىن، 16 ماۋسىمدا، پرەزيدەنت قاسىم-جومارت توقايەۆ يسلام ىنتىماقتاستىعى ۇيىمىنىڭ (يىۇ) عىلىم جانە تەحنولوگيا جونىندەگى ەكىنشى سامميتىنە بەينەبايلانىس ارقىلى قاتىسادى، دەپ حابارلايدى Almaty-akshamy.kz. بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي حابارلادى.
«جيىندا عىلىم، تەحنولوگيا جانە يننوۆاسيا سالالارىنداعى ءوزارا ىقپالداستىق ماسەلەلەرى، سونداي-اق 2026 جىلعا دەيىنگى اتالعان باعىتتارداعى يىۇ باعدارلاماسىنىڭ جۇزەگە اسىرىلۋ بارىسى تالقىلانباق.
جالپى يىۇ-نىڭ عىلىم جانە تەحنولوگيا جونىندەگى ءسامميتى قازاقستاننىڭ باستاماسىمەن ءوتىپ كەلەدى. العاشقى سامميت 2017 جىلدىڭ قىركۇيەك ايىندا ەلوردادا وتكەن بولاتىن»، -دەلىنگەن باسپا ءسوز حاتشىسىنىڭ فەيسبۋكتەگى پاراقشاسىندا.
بۇگىنگى ءىس-شارا نۇر-سۇلتان قالاسىنىڭ ۋاقىتى بويىنشا ساعات 15:00-دە باستالادى دەپ جوسپارلانعان. ءسامميتتىڭ تىكەلەي كورسەتىلىمىن مىنا سىلتەمە بويىنشا كورۋگە بولادى: https://www.youtube.com/user/OICofficial