ق ر پرەزيدەنتى قاسىم-جومارت توقايەۆ بىرىككە اراب امىرلىكتەرىنىڭ پرەزيدەنتى شەيح حاليفا بەن زايد ءال ناھاياننىڭ قايتىس بولۋىنا بايلانىستى تاق مۇراگەرى شەيح مۇحاممەد بەن زايد ءال ناھايانعا جانە شەيح مۇحاممەد بەن راشيد ءال ماكتۋمعا كوڭىل ايتتى.
بۇل تۋرالى مەملەكەت باسشىسى ءوزىنىڭ Twitter-دەگى پاراقشاسىندا جازدى، دەپ حابارلايدى Almaty-akshamy.kz.
«ءباا پرەزيدەنتى شەيح حاليفا بەن زايد ءال ناھاياننىڭ قايتىس بولۋىنا بايلانىستى تاق مۇراگەرى شەيح مۇحاممەد بەن زايد ءال ناھايانعا جانە شەيح مۇحاممەد بەن راشيد ءال ماكتۋمعا كوڭىل ايتتىم. شەيح حاليفا امىرلىكتەردىڭ دامۋى مەن حالقىنىڭ يگىلىگى جولىندا ۇزاق جىلدار بويى قالتقىسىز قىزمەت ەتتى. قازاقستان حالقى شەيح حاليفا ءال ناھاياندى ەكىجاقتى قارىم-قاتىناستاردى نىعايتۋعا سۇبەلى ەڭبەك سىڭىرگەن تۇلعا رەتىندە ەستە ساقتايدى. مارقۇمنىڭ يمانى سالامات بولسىن!»،-دەلىنگەن جازبادا.
