قازاقستاندا «ستەلس-وميكرون» شتامى اينالىمدا ءجۇر – ق ر دسم

بارلىق وڭىرلەردە BA.1 «وميكرون» شتامى 98،6 %-دا انىقتالدى

جۇرگىزىلگەن پتر سكرينينگتىڭ قورىتىندىسى بويىنشا ەلىمىزدە كوروناۆيرۋس ينفەكسياسى شتامدارىنىڭ ءتۇرلى نۇسقالارىنىڭ اينالىمى انىقتالدى. «وميكرون شتامم» بارلىق وڭىرلەردەن انىقتالدى، ونىڭ ىشىندە 12 وڭىردەن «ستەلس-وميكرون» تابىلدى، دەپ حابارلايدى Almaty-akshamy.kz.

ق ر دەنساۋلىق ساقتاۋ مينيسترلىگىنىڭ حابارلاۋىنشا، 2022 جىلدىڭ ءساۋىر-مامىر ايلارىندا جۇرگىزىلگەن پتر سكرينينگتىڭ قورىتىندىسى بويىنشا ەلىمىزدە كوروناۆيرۋس ينفەكسياسى شتامدارىنىڭ ءتۇرلى نۇسقالارىنىڭ اينالىمى انىقتالدى. بارلىق وڭىرلەردە BA.1 «وميكرون» شتامى 98،6 %-دا انىقتالدى، ونىڭ ىشىندە 12 وڭىردە BA.2 «ستەلس-وميكرون» شتامى 36،7%-دا انىقتالدى.        
     
سونداي-اق، B. 1.617-like Delta شتامى اينالىمدا ءجۇر جانە زەرتتەلەتىن سىنامالار سانىنىڭ 1،4%-ىن قۇرايدى.

پتر سكرينينگ ناتيجەلەرىن راستاۋ ءۇشىن تولىق گەنومدىق سەكۆەنيرلەۋ جۇرگىزىلەدى، ول اعىمداعى ايدىڭ سوڭىنا قاراي اياقتالادى.

ەپيدەميولوگيالىق جاعداي تۇراقتانعانىنا قاراماستان، مينيسترلىك كوروناۆيرۋس ينفەكسياسىنا قارسى ۆاكسيناسيانى، ريەۆاكسيناسيانى ۋاقتىلى جۇرگىزۋدى ۇسىنادى.

«التى اي بۇرىن جانە ودان دا كوپ ۋاقىت بۇرىن ۆاكسيناسيا كۋرسىن العان ادامدار ريەۆاكسيناسيالاۋعا جاتاتىنىن ەستەرىڭىزگە سالامىز. قازىرگى ۋاقىتتا قازاقستاندا كۆي-عا قارسى ۆاكسيناسيالاۋ جانە ريەۆاكسيناسيالاۋ ءۇشىن حالىققا ۆاكسينالاردىڭ ءۇش ءتۇرى (پفايزەر، سينوفارم جانە كازۆاك) قولجەتىمدى، ولاردىڭ ەكەۋىن دۇنيەجۇزىلىك دەنساۋلىق ساقتاۋ ۇيىمى ماقۇلداعان»،-دەلىنگەن حابارلامادا.