قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ الماتىعا جۇمىس ساپارىنىڭ ەكىنشى كۇنىندە بالالار شۇعىل مەديسينالىق جاردەم ورتالىعىن ارالادى، دەپ حابارلايدى almaty-akshamy.kz
پرەزيدەنتكە ورتالىقتىڭ زاماناۋي مەديسينالىق اپپاراتتارمەن جابدىقتالعان دياگنوستيكا كابينەتتەرى، نارەستەلەرگە ارنالعان قارقىندى تەراپيا بولىمشەسى جانە وپەراسيا بولمەلەرى تانىستىرىلدى.
سوڭعى ءۇش جىلدا بۇل اۋرۋحانادا ەمدەلۋشىلەر سانى 30 پايىزعا ارتقان. وسىعان وراي، بالالار شۇعىل مەديسينالىق جاردەم ورتالىعىنىڭ نەگىزگى عيماراتىن جاڭارتۋ جانە رەكونسترۋكسيالاۋ جوسپارى ازىرلەنىپ جاتىر. جوسپارعا سايكەس ەسكى كورپۋستار كۇردەلى جوندەۋدەن وتكىزىلەدى جانە قوسىمشا وڭالتۋ، وتولارينگولوگيا، ايماقتىق وفتالمولوگيا ورتالىقتارى مەن جاق-باس سۇيەك حيرۋرگياسى بولىمشەلەرى اشىلادى. جاڭارتۋدان كەيىن ستاسيونارداعى توسەك-ورىن سانى 350-دەن 470-كە دەيىن ارتادى. سونىمەن قاتار، كورسەتىلەتىن مەديسينالىق قىزمەتتەردىڭ ءتۇرى كوبەيىپ، حالىقارالىق ستاندارتتار دەڭگەيىندەگى ساپانى قامتاماسىز ەتۋ مۇمكىندىگى پايدا بولادى.
مەملەكەت باسشىسى مەديسينالىق مەكەمەنىڭ قىزمەتىنە تابىس تىلەپ، 2 رەانيموبيل مەن ينتەراكتيۆتى تاقتانى سىيعا تارتتى.
بۇل ساپاردىڭ ناتيجەسىندە، بالالار شۇعىل مەديسينالىق جاردەم ورتالىعىنىڭ قىزمەت كورسەتۋ ساپاسى ودان ءارى جاقسارىپ، حالىقتىڭ مەديسينالىق كومەككە قولجەتىمدىلىگى ارتادى دەپ كۇتىلۋدە.