الماتى اۋەجايىنىڭ جاڭا حالىقارالىق تەرمينالىنا العاش كەلگەن جولاۋشىلار ءوز اسەرلەرىمەن ءبولىستى، دەپ حابارلايدى almaty-akshamy.kz
الماتى تۇرعىنى ەۆگەنيا كۋفەلدت وتباسىمەن بىرگە جاڭا تەرمينال ارقىلى دوحاعا ۇشىپ شىقتى. ول بالالارىن وقۋ جىلىنىڭ اياقتالۋىمەن جانە جازعى دەمالىستىڭ باستالۋىمەن قۇتتىقتاۋ ءۇشىن وسى ساپاردى ۇيىمداستىرعانىن ايتتى.
"ءبىز جاڭا تەرمينالدىڭ العاشقى جولاۋشىلارى بولدىق. جاڭا، سالقىن، ادەمى، تازا. بۇل وتە جايلى. ورىن كوپ، ىڭعايلى. كوپ راقمەت! ءبىزدىڭ قالامىزداعى مۇنداي جايلى جەرلەر تۇرعىندار ءۇشىن كوبىرەك بولادى دەپ ۇمىتتەنەمىن،" - دەدى ەۆگەنيا.
الماتىلىق نۇرلان مىرزاگۇل دە وتباسىمەن بىرگە دوحاعا ۇشىپ بارا جاتقانىن جانە كاتارعا العاش رەت ۇشاتىنىن ايتتى.
"ەكىنشى تەرمينال اۋەجايىنىڭ اشىلۋىمەن سايكەس كەلدى. وتە باقىتتىمىن. اۋەجاي وتە ادەمى، بارىنە ۇنايدى. بارلىعى سىپايى، جاقسى. ەشقانداي كەزەك جوق. ديزاين كەرەمەت، سالقىن، شەتەلدىك، ەۋروپالىق ۇلگىدە. ءبارى ىڭعايلى،" - دەدى ول قۋانىشپەن.
لوندون-الماتى رەيسىنىڭ جولاۋشىسى كارلوس سانتوس الماتىعا دەمالىس كۇندەرى تۋىستارىمەن بىرگە ۇشىپ كەلدى. بۇل ونىڭ ءبىزدىڭ قالاعا العاشقى ساپارى، ال العاشقى اسەرلەرى ۇمىتىلماستاي بولدى.
"وتە ادەمى، بارلىعى كەرەمەت، جاقسى قارسى الدى. ەستەلىككە سىيلىقتار بەردى. بۇل وتە كەرەمەت. مەن مۇنداي قوناقجايلىلىقتى كۇتپەدىم. اۋەجايدا مۇندايدى ءالى كەزدەستىرگەن ەمەسپىن،" - دەدى تۋريست.
جاڭا حالىقارالىق تەرمينال ءوز جولاۋشىلارىنا زاماناۋي ديزاين، ىڭعايلى ينفراقۇرىلىم جانە جوعارى دەڭگەيدەگى قىزمەت كورسەتۋ ۇسىنا وتىرىپ، الماتى اۋەجايىنىڭ بەدەلىن ارتتىرۋدا.