قاسىم-جومارت توقايەۆ الماتى وبلىسىنداعى «ماريەۆەن فۋد تيان-شان» كاسىپورنىنا باردى

مەملەكەت باسشىسىنا كاسىپورىننىڭ مۇمكىندىكتەرى تۋرالى مالىمەت بەرىلدى. 

ق ر پرەزيدەنتى قاسىم-جومارت توقايەۆ الماتى وبلىسىنداعى «ماريەۆەن فۋد تيان-شان» كاسىپورنىنا باردى، دەپ حابارلايدى Almaty-akshamy.kz اقوردا سايتىنا سىلتەمە جاساپ.

مەملەكەت باسشىسىنا كاسىپورىننىڭ مۇمكىندىكتەرى تۋرالى مالىمەت بەرىلدى. كومپانيا باسشىلىعىنىڭ مالىمەتىنە سايكەس 4،5 گەكتار اۋماقتى الىپ جاتقان كاسىپورىنعا 30 ميلليارد تەڭگە ينۆەستيسيا سالىنعان. كومپانيا جاپونيا، شۆەيساريا جانە گەرمانيادان اكەلىنگەن يننوۆاسيالىق قۇرىلعىلارمەن تەز دايىندالاتىن ازىق-تۇلىك ونىمدەرىن  شىعارادى. جىلىنا 85 مىڭ توننا ءونىم شىعارۋعا مۇمكىندىگى بار.

قازىرگى ۋاقىتتا كاسىپورىن 500 ميلليون قاپتاما شىعارسا، سونىڭ 70 پايىزى ەكسپورتتالادى.
«ماريەۆەن فۋد تيان-شان» ج ش س 670 ادامدى جۇمىسپەن قامتىپ وتىر. ونىڭ 95 پايىزى جاقىن ماڭداعى ەلدى مەكەندەردىڭ تۇرعىندارى.
بۇدان كەيىن قاسىم-جومارت توقايەۆقا وبلىس اكىمى اماندىق باتالوۆ وڭىردەگى جۇزەگە اسىرىلىپ جاتقان ينۆەستيسيالىق جوبالار مەن وبلىستىڭ الەۋمەتتىك-ەكونوميكالىق دامۋى تۋرالى ەسەپ بەردى.
وبلىس اكىمىنىڭ ايتۋىنشا، ايماق ەكونوميكاسىنا 312 ميلليارد تەڭگە ينۆەستيسيا تارتىلىپ، 40 مىڭ جۇمىس ورنى اشىلعان. بيىل وڭىردە جالپى قۇنى 112 ميلليارد تەڭگە بولاتىن 65 جوبا ىسكە اسىرىلىپ جاتىر.
اماندىق باتالوۆ پرەزيدەنتتىڭ بىلتىرعى گەرمانياعا جاساعان ساپارىنىڭ ناتيجەسىندە «باۋمانن» كومپانياسى ۇساق مال ەتىن وڭدەيتىن قۋاتى 30 مىڭ توننالىق «جەتىسۋ قوي» جوباسىن قولعا العانىن حابارلادى.
قاسىم-جومارت توقايەۆ وبلىستا اتقارىلىپ جاتقان ينۆەستيسيالىق جوبالارعا وڭ باعا بەرىپ، باستالعان جۇمىستاردى ۋاقتىلى اياقتاۋعا تاپسىرما بەردى.