قازاقستان تاۋەلسىزدىگىنىڭ 30 جىلدىعىنا ارنالعان اكسيا اياسىندا ۇزدىك اۋلالار انىقتالادى.
«ۇزدىك اۋلا» بايقاۋىندا جەڭىسكە جەتكەن الماتى تۇرعىندارى قالا كۇنى قارساڭىندا «تاڭعى ستۋديو» باعدارلاماسىنىڭ تىكەلەي ەفيرىندە باعالى سىيلىقتارمەن ماراپاتتالادى، دەپ حابارلايدى Almaty-akshamy.kz.
ەسكە سالساق، ۇيلەر، اۋلالار مەن تۇرعىن ءۇي كەشەندەرى اراسىندا وتەتىن «ۇزدىك اۋلا» بايقاۋىنا قاتىسۋ Almaty.tv تەلە ارناسىندا 28 ماۋسىمدا باستالدى. بايقاۋ 2021 جىلدىڭ 19 قىركۇيەگىنە دەيىن جالعاسادى. بۇل بايقاۋعا قاتىسۋ ءۇشىن بەزەندىرىلگەن اۋلانى، ءۇي اينالاسىن 1 مينۋتتان اسىرماي ۆيدەوعا ءتۇسىرىپ، ونى #ۇزدىكاۋلا حەشتەگىمەن الەۋمەتتىك جەلىلەرگە جۇكتەۋ كەرەك.
باستى ەسكەرەتىن جاعداي: اباتتاندىرۋ جانە لاندشافتى بەزەندىرۋلەر ءۇيدىڭ جانە تۇرعىن ءۇي كەشەندەرىنىڭ تۇرعىندارى تاراپىنان جاسالۋى قاجەت.