ق ر پرەزيدەنتىنىڭ باسپا ءسوز حاتشىسى بەرىك ءۋاليدىڭ ايۋتىنشا، مەملەكەت باسشىسى قاسىم-جومارت توقايەۆ 9 كۇندە 26 جارلىققا قول قويعان. بۇل تۋرالى ول «حابار 24» تەلەارناسىنا بەرگەن سۇحباتىندا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جاڭا جىل باستالعالى 9 كۇن بولدى عوي. وسى 9 كۇننىڭ ىشىندە پرەزيدەنت بارلىعى 26 جارلىققا قول قويعان ەكەن، ونىڭ 5-ەۋى تاعايىنداۋ تۋرالى. سونداي-اق 9 وكىمگە قول قويعان، ونىڭ تاعى دا 5-ەۋى تاعايىنداۋ تۋرالى. سوندا 10 تاعايىنداۋعا قول قويعان. سونداي-اق 3 قاڭتار كۇنى 3 تۆيت قالدىردى، 4 قاڭتار كۇنى 4 تۆيت جازىپ، حالىقپەن بايلانىسىپ، تىكەلەي جولداپ وتىردى»، - دەدى بەرىك ءۋالي.
ونىڭ ايتۋىنشا، مۇنىڭ ءبارى ۇلكەن جۇمىس.
«جالپى، مۇنىڭ ءبارى ۇلكەن جۇمىستار. بۇل جەردە رەسمي سايتقا شىققان اقپاراتتاردى عانا ايتىپ وتىرمىن. ونىڭ سىرتىندا قانشاما ءتيىستى ورگاندار ەسەپ بەرىپ جاتىر. اكىمدەردىڭ ەسەبىن الىپ جاتىر. بىلايشا ايتقاندا، ەشقانداي ۋاقىت جوق. بۇكىل ەلدەگى احۋالدى تامىرشىداي ءدوپ باسىپ، باقىلاپ وتىر»، - دەدى پرەزيدەنتتىڭ باسپا ءسوز حاتشىسى.