ولار 10 تاۋلىككە قامالدى.
الماتى وبلىسى قاراساي اۋدانى قاسكەلەڭ قالاسىندا زاڭسىز كوكپار ۇيىمداستىرعاندار 10 تاۋلىككە قاماۋعا الىندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كوكپارعا قاتىسقان 6 ادامدى پوليسيا ۇستادى. ولار 10 تاۋلىككە قاماۋعا الىندى»،- دەلىنگەن الماتى وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.
ايتا كەتەيىك، ۇستالعان ادامدار ۇساق بۇزاقىلىق جانە كولىكتەرگە كەدەرگى كەلتىرۋ بويىنشا جاۋاپقا تارتىلدى.
ەستەرىڭىزگە سالا كەتەيىك، كوكپاردى 66 جاستاعى قاسكەلەڭ تۇرعىنى جيەنىنىڭ تۋعان كۇنىنە وراي ۇيىمداستىرعان.
ۇلتتىق ويىن قالانىڭ شەتكى اۋماعىندا بولعان. ءبىراق ارتىنشا قالا كوشەلەرىندە جالعاسقان.